قلات ڈویژن کے تاریخی نام کی بحالی عدالت عالیہ کا قانونی و آئینی دلائل سے اتفاق آئینی درخواست باقاعدہ سماعت کے لیے منظور

بدھ 29 جولائی 2026 22:06

قلات(اُردو پوائنٹ اخبارتازہ ترین - آن لائن۔ 29 جولائی2026ء) قلات ڈویژن کے تاریخی نام کی بحالی کی جدوجہد میں پہلی بڑی کامیابی،آج بلوچستان ہائی کورٹ کوئٹہ میں قلات ڈویژن کا تاریخی اور آئینی نام ختم کرنے کے خلاف دائر آئینی درخواست پر ابتدائی سماعت ہوئی عدالت عالیہ نے ہمارے قانونی و آئینی دلائل سے اتفاق کرتے ہوئے آئینی درخواست کو باقاعدہ سماعت کے لیے منظور کر لیا ہے اور حکومتِ بلوچستان سمیت دیگر فریقین کو باضابطہ نوٹسز جاری کر دیے ہیں قلات محض ایک جغرافیائی حد بندی نہیں، بلکہ دنیا بھر میں بسنے والے لاکھوں بلوچ عوام کا تاریخی ورثہ، قومی وقار اور آئینی شناخت ہے۔

(جاری ہے)

آئین پاکستان کا آرٹیکل 28 ہر شہری اور خطے کو اپنی تاریخی و ثقافتی شناخت کے تحفظ کی مکمل ضمانت دیتا ہے اس موقع پر حبیب اللہ خان ایڈووکیٹ، ظہور احمد ساسولی ایڈووکیٹ، آصف علی داد ایڈووکیٹ، جنید احمد عمرانی ایڈووکیٹ و دیگر وکلاء صاحبان موجود تھے ?اس عظیم قانونی معرکے میں ساتھ دینے والے تمام وکلاء برادران، دوستوں اور خیر خواہوں کا تہہ دل سے مشکور ہوں، انشاء اللہ قانون اور آئین کے دائرے میں رہ کر قلات کے تاریخی تشخص کی مکمل بحالی تک یہ علمی و قانونی جدوجہد جاری رہے گی۔