نینا عادل کے دو ناول ’’مقدس گناہ‘‘ اور ’’کوکھ‘‘ کی تقریبِ پذیرائی ہفتہ کو آرٹس کونسل میں ہوگی

جمعہ 31 جولائی 2026 22:08

کراچی (اُردو پوائنٹ اخبارتازہ ترین - اے پی پی۔ 31 جولائی2026ء) آرٹس کونسل آف پاکستان کراچی کے زیرِ اہتمام معروف ناول نگار اور شاعرہ نینا عادل کے دو ناول ’’مقدس گناہ‘‘ اور’’کوکھ‘‘ کی تقریبِ پذیرائی بروز ہفتہ، شام 5:30 بجے، حسینہ معین ہال میں منعقد ہوگی۔

(جاری ہے)

تقریب کی صدارت ممتاز ماہرِ تعلیم ،شاعر و ادیب پروفیسر سحر انصاری کریں گے، جبکہ ناولوں پر اظہارِ خیال کرنے والوں میں ڈاکٹر پیرزادہ قاسم رضا صدیقی، صدر آرٹس کونسل محمد احمد شاہ، اخلاق احمد، مظہر عباس، ڈاکٹر انعام ندیم، کاشف رضا، عفت نوید اورشائستہ مفتی شامل ہیں۔

اس موقع پر معروف شاعر افتخار عارف، نجیبہ عارف، محسن خان اور خالد جاوید کے خصوصی پیغامات بھی پیش کیے جائیں گے۔ تقریب میں ادبی حلقوں، اہلِ قلم، ناول نگاروں، شاعروں، دانشوروں اور ادب سے دلچسپی رکھنے والے افراد کی بڑی تعداد شریک ہوگی ۔