ہاکی کی تازہ ترین عالمگیر رینکنگ میں پاکستان کی مزید ایک درجہ ترقی

ہفتہ 1 اگست 2026 16:04

اسلام آباد(اُردو پوائنٹ اخبارتازہ ترین - این این آئی۔ 01 اگست2026ء) انٹرنیشنل ہاکی فیڈریشن (ایف آئی ایچ) کی جانب سے جاری کردہ تازہ ترین عالمگیر رینکنگ میں پاکستان نے مزید ایک درجہ ترقی حاصل کر لی ہے، پاکستان ہاکی ٹیم اب 2544.54 پوائنٹس کے ساتھ دنیا کی 12ویں بہترین ٹیم بن گئی ہے۔

(جاری ہے)

پاکستان ہاکی فیڈریشن کے ترجمان کے مطابق حالیہ بین الاقوامی ٹورنامنٹس میں قومی کھلاڑیوں کی شاندار کارکردگی اور مسلسل جدوجہد اس بہتری کی بنیادی وجہ ہے۔

رینکنگ میں اس پیش رفت کے نتیجے میں جنوبی افریقہ 13 ویں اور ملائیشیا 14 ویں نمبر پر چلے گئے ہیں۔ ترجمان پی ایچ ایف نے مزید کہا کہ قومی ٹیم کا ہدف عالمی رینکنگ کے ٹاپ 10 میں واپس آنا ہے، ایف آئی ایچ ورلڈ کپ 2026 کیلئے پول ڈی (جہاں پاکستان کے ساتھ بھارت، انگلینڈ اور ویلز موجود ہیں) میں قوم کو ٹیم سے بہترین نتائج کی امید ہے۔ کھلاڑی انتھک محنت کر رہے ہیں اور یہ رینکنگ ورلڈ کپ سے قبل ٹیم کے حوصلے بلند کرے گی۔