ڈپٹی کمشنر گوجرانوالہ کی اوپن ڈور پالیسی کے تحت روزانہ عوامی مسائل کی سماعت

جمعہ 7 اگست 2026 17:18

گوجرانوالہ (اُردو پوائنٹ اخبارتازہ ترین - اے پی پی۔ 07 اگست2026ء) ڈپٹی کمشنر گوجرانوالہ نوید احمد نے وزیر اعلیٰ پنجاب مریم نواز شریف کے احکامات کی روشنی میں اوپن ڈور پالیسی کے تحت روزانہ کی بنیاد پر عوامی مسائل کی سماعت کی۔ تمام سرکاری دفاتر میں پبلک ڈیلنگ کے مقررہ اوقات، صبح 10 بجے سے ساڑھے 12 بجے تک، پر عملدرآمد بھی یقینی بنایا جا رہا ہے۔

(جاری ہے)

ڈپٹی کمشنر نوید احمد نے اپنے دفتر میں آنے والے سائلین کے مسائل سنے اور موقع پر ہی متعلقہ محکموں کے افسران کو ہدایات جاری کرتے ہوئے فوری داد رسی کے احکامات دیے۔ انہوں نے اسسٹنٹ کمشنرز اور صوبائی محکموں کے سربراہان کو سختی سے ہدایت کی کہ سائلین کو بلاوجہ دفاتر کے چکر نہ لگوائے جائیں اور قانون کے مطابق فوری نوعیت کے مسائل حل کرتے ہوئے شکایات کا بروقت ازالہ کیا جائے۔ڈپٹی کمشنر نے واضح کیا کہ شہریوں کے مسائل کا حل ضلعی انتظامیہ کی اولین ترجیح ہے اور اس ضمن میں کسی قسم کی غفلت یا تاخیر برداشت نہیں کی جائے گی۔ انہوں نے تمام متعلقہ افسران کو ہدایت کی کہ عوامی شکایات کو ترجیحی بنیادوں پر حل کیا جائے اور عوام دوست اقدامات کو مزید مؤثر بنایا جائے۔\378