کراچی میں مزار کے قریب 3 بوریوں سے شخص کی کٹی ہوئی لاش برآمد

مقتول کی عمر تقریباً 30 سال بتائی جاتی ہے،لاش کی شناخت نہ ہوسکی، پولیس نے تحقیقات شروع کردیں

منگل 11 اگست 2026 12:02

کراچی میں مزار کے قریب 3 بوریوں سے شخص کی کٹی ہوئی لاش برآمد

کراچی(اُردو پوائنٹ اخبارتازہ ترین - این این آئی۔ 11 اگست2026ء) ملیر کے علاقے گلشن قادری مزار کے قریب تین بوریوں سے ایک شخص کی کٹی ہوئی لاش برآمد ہوئی ہے، جس کی شناخت تاحال نہیں ہوسکی۔پولیس کے مطابق مزار کے قریب مشتبہ حالت میں موجود تین بوریوں کی اطلاع ملنے پر کارروائی کی گئی تو ان میں ایک شخص کی کٹی ہوئی لاش برآمد ہوئی۔

(جاری ہے)

لاش کو چھیپا ایمبولینس کے ذریعے جناح اسپتال منتقل کردیا گیا، جہاں ضابطے کی کارروائی اور شناخت کے لیے ضروری اقدامات کیے جارہے ہیں۔

چھیپا ذرائع کے مطابق مقتول کی عمر تقریباً 30 سال ہے تاہم فوری طور پر اس کی شناخت نہیں ہوسکی۔پولیس حکام نے کہا کہ واقعے کی مختلف پہلوؤں سے تحقیقات شروع کردی گئی ہیں جبکہ مقتول کی شناخت اور واقعے میں ملوث ملزمان کا سراغ لگانے کے لیے شواہد اکٹھے کیے جارہے ہیں۔پولیس کے مطابق لاش کی شناخت اور ابتدائی تحقیقات کے بعد واقعے کی مزید تفصیلات سامنے آنے کا امکان ہے۔