کراچی،نوزائیدہ بچے کو رہائشی عمارت سے نیچے پھینک دیا گیا، لاش برآمد

لاش 2 سے 3 روز پرانی بتائی جاتی ہے، پولیس نے تحقیقات شروع کردی

بدھ 12 اگست 2026 17:05

کراچی(اُردو پوائنٹ اخبارتازہ ترین - این این آئی۔ 12 اگست2026ء) شہر قائد میں نوزائیدہ بچے کی لاش برآمد ہوئی، جسے رہائشی عمارت سے نیچے پھینکا گیا تھا۔گلشن اقبال کے علاقے میں رہائشی عمارت سے نوزائیدہ بچے کی لاش ملنے کی اطلاع ملنے پر پولیس اور امدادی ادارے کے رضا کار موقع پر پہنچے۔

(جاری ہے)

ایس ایچ او گلشن اقبال نے بتایا کہ لاش بلاک تیرہ ڈی ٹو میں قائم رہائشی عمارت کے ڈک سے ملی ہے اور شبہ ہے کہ نوزائیدہ بچے کی لاش ڈک کے ذریعے پھینکی گئی تھی، جبکہ لاش رہائشی عمارت کے ٹاور ون کے ڈک سے ملی تھی۔

ابتدائی تحقیقات کے مطابق لاش 2 سے 3 روز پرانی بتائی جاتی ہے۔ولیس نے جائے وقوع سے شواہد حاصل کر کے نوزائیدہ بچے کی لاش ضابطے کی کارروائی کے بعد ایدھی کے رضا کاروں کے حوالے کر دی اور اس حوالے سے مزید چھان بین کا عمل جاری ہے۔