تاجپورہ کے قریب کاربے قابو ہوکر درخت سے ٹکراگئی ، کارسوار ، راہگیروں سمیت 5 جاں بحق

ہفتہ 15 اگست 2026 13:33

لاہور(اُردو پوائنٹ اخبارتازہ ترین - این این آئی۔ 15 اگست2026ء) تاجپورہ کے قریب کار بے قابو ہو کر نہر کنارے لگے درخت سے ٹکرا نے کے نتیجے میں 3نوجوان جاں بحق ہو گئے جبکہ کار کی زد میں آکر 2 راہگیر بھی موت کے منہ میں چلے گئے ،اطلاع ملتے ہی پولیس اور ریسکیو ٹیمیںموقع پر پہنچ گئی اور قانونی کارروائی کے بعد لاشوں کو ہسپتال منتقل کر دیا گیا ۔

(جاری ہے)

بتایاگیا ہے کہ غازی آباد تاجپورہ کے قریب انتہائی تیز رفتار کار بے قابو ہو کر نہر کنارے لگے درخت سے جا ٹکرائی،حادثہ اس قدر شدید تھا کہ کار مکمل تباہ ہو گئی اورکار سوار تین نوجوان موقع پر ہی جاں بحق ہوگئے جبکہ کار کی زدمیں آنے والے دو راہگیر بھی دم توڑ گئے ۔

حادثے میں جاں بحق ہونے والے کار سواروں کی شناخت 17 سالہ نعمان زاہد، 17 سالہ عرفان عباس اور 17 سالہ جاوید کے نام سے ہوئی جو سبزہ زار شاہ فرید کے رہائشی تھے جبکہ راہگیروں میں 20 سالہ عبدالرحمان اور 18 سالہ مزمل شامل ہیں۔ریسکیو 1122 اور ایدھی فائونڈیشن کے اہلکاروں نے حادثے میںجاں بحق ہونے والوں کی لاشیں مردہ خانے منتقل کر دیں۔پولیس اور تحقیقاتی اداروں نے جائے حادثہ سے شواہد اکٹھے کرکے واقعے کی مزید تحقیقات اور قانونی کارروائی کا آغاز کر دیا ۔