ایبٹ آباد،ڈپٹی کمشنر کا گورنمنٹ ہائی سکول میرپور کا دورہ،تعلیمی سہولیات کا جائزہ

جمعہ 21 اگست 2026 14:57

ایبٹ آباد (اُردو پوائنٹ اخبارتازہ ترین - اے پی پی۔ 21 اگست2026ء) ڈپٹی کمشنر ایبٹ آباد سرمد سلیم اکرم نے گورنمنٹ ہائی سکول میرپور کا دورہ کیا اور سکول کی عمارت،تعلیمی و انتظامی امور کا جائزہ لیا۔انہوں نے پی ٹی سی ممبران،اساتذہ اور طلبہ سے ملاقات کرکے درپیش مسائل اور ضروریات سے آگاہی بھی حاصل کی۔

(جاری ہے)

ڈپٹی کمشنر نے زیر تعمیر سکول کی عمارت کی تعمیر جلد مکمل کرنے اور کلاس رومز کی کمی دور کرنے کے لیے متعلقہ حکام کو ضروری ہدایات جاری کیں،اس موقع پر میٹرک امتحانات میں سو فیصد نتائج دینے پر ایس ایس ٹی وقاص گل جدون کو اعزازی شیلڈ پیش کی گئی اور ان کی کارکردگی کو سراہا گیا۔

ڈپٹی سرمد سلیم اکرم نے طلبہ کو تعلیم پر بھرپور توجہ دینے کی تلقین کرتے ہوئے سکول انتظامیہ کو بہتر تعلیمی ماحول اور بنیادی سہولیات کی فراہمی یقینی بنانے کی ہدایت کی۔