سوات میں کوہ پیما سید علی شاہ کی میت 54 دن بعد ریکور

سید علی شاہ میاں 11 جولائی کو حادثے کا شکار ہوکر جاں بحق ہوئے تھے

ہفتہ 5 ستمبر 2026 20:25

سوات (اُردو پوائنٹ اخبارتازہ ترین - این این آئی۔ 05 ستمبر2026ء) سوات کی وادی کالام میں بلند ترین چوٹی فلک سر پر 54 روز سے جاری ایک مشکل ریسکیو آپریشن بالآخر کامیاب ہوگیا۔

(جاری ہے)

کوہ پیما سید علی شاہ میاں کی میت پانچ ہزار دو سو میٹر کی بلندی سے ریکور کرلی گئی ہے،سید علی شاہ میاں 11 جولائی کو فلک سر کی چوٹی سر کرنے کے بعد واپسی پر پہاڑ پر حادثے کا شکار ہوکر جاں بحق ہوئے تھے جبکہ کئی روز کی تلاش کے بعد ان کی میت پانچ ہزار دو سو میٹر کی بلندی پر دریافت ہوئی۔ ریسکیو ٹیم نے سخت موسمی حالات کے باوجود آپریشن کرتے ہوئے میت کو بیس کیمپ تک پہنچا دیا ہے، خراب موسم کے باعث ہیلی کاپٹر کے ذریعے میت منتقل کرنا ممکن نہیں، جس کے بعد ریسکیو ٹیم پیدل ہی میت کو کالام منتقل کرنے کی کوشش کر رہی ہے۔