سخت ردعمل کے باوجود فیفا صدر جیانی انفینٹینو دوبارہ الیکشن لڑیں گے

دوبارہ منتخب ہونے کی صورت میں وہ 2031ء تک فیفا کے صدر رہیں گے

ذیشان مہتاب پیر 7 ستمبر 2026 10:41

سخت ردعمل کے باوجود فیفا صدر جیانی انفینٹینو دوبارہ الیکشن لڑیں گے

لندن (اردو پوائنٹ تازہ ترین اخبار ۔ 7 ستمبر 2026ء ) فیفا صدر جیانی انفینٹینو نے 2030ء کے ورلڈ کپ کے حوالے سے اہم اعلان کر دیا ہے، جس سے فٹبال شائقین میں خوشی کی لہر دوڑ گئی۔

فیفا نے تصدیق کی ہے کہ Gianni Infantino صدارتی انتخابات میں حصہ لیں گے۔ فٹبال کی عالمی گورننگ باڈی نے اتوار کو اعلان کیا کہ ورلڈ کپ میں نجی سرمایہ کاری لانے کے اپنے ترک کیے گئے منصوبے پر ردعمل کے باوجود گیانی انفینٹینو اگلے مارچ میں ہونے والے فیفا کے صدارتی انتخابات میں کھڑے ہوں گے۔

فیفا کے ترجمان نے کہا کہ فیفا کے صدر نے اپریل میں اعلان کیا تھا کہ وہ 2027ء میں دوبارہ انتخاب میں حصہ لیں گے یقیناً، کچھ نہیں بدلا ہے اور مسٹر انفینٹینو دوبارہ انتخاب کے لیے کھڑے ہوں گے۔

یورپی ممالک کی تنظیم یوئیفا کا کہنا ہے کہ فیفا کے صدر انفینٹینو کے حصص فروخت کرنے کے فیصلے پر یوٹرین کے باوجود وہ بائیکاٹ برقرار رکھیں گے۔

(جاری ہے)

یوئیفا نے ایک بیان جاری کیا ہے جس میں کہا گیا ہے کہ اس کی 55 رکن ایسوسی ایشنز فیفا مقابلوں کے بائیکاٹ کے لیے پُرعزم ہیں اور اس بات پر زور دیا ہے کہ عالمی گورننگ باڈی نے ان کی شرائط قبول نہیں کیں۔

یورپی فٹ بال کی گورننگ باڈی نے گذشتہ جمعرات کو متفقہ طور پر فیفا کے صدر گیانی انفینٹینو کے اس اعلان کے بعد فیفا کے تمام ایونٹس سے دستبرداری کے لئے ووٹ دیا کہ عالمی ادارہ ورلڈ کپ اور دیگر ایونٹس میں اقلیتی حصص فروخت کرنے کی کوشش کرے گا۔

انفینٹینو نے بڑھتے ہوئے دباؤ کے بعد شیئرز فروخت کرنے کی تجویز واپس لے لی ہے اور مراکش میں ہونے والے اجلاس میں عالمی ادارے کی قیادت کی حمایت حاصل کر لی ہے۔

تاہم یوئیفا کا کہنا ہے کہ فیفا کے ساتھ تعاون کی تجدید کے لیے انفینٹینو کے سیل آف پلان واپس لینا واحد شرط نہیں تھی اور ایسوسی ایشنز کی فیفا مقابلوں میں عدم شرکت سے منسلک مزید شرائط بالکل واضح تھیں جسے پورا نہیں کیا گیا۔