سینیٹ کی قائمہ کمیٹی کا اجلاس: طلال چوہدری اور سیف اللہ ابڑو کے درمیان شدید تلخ کلامی

میری مرضی میں مخالفت کروں، نہ کروں. طلال چوہدری‘ یہ یہاں بیٹھ کر ہمیں دھمکیاں دے رہے ہیں. سیف ابڑو

میاں محمد ندیم پیر 7 ستمبر 2026 15:11

سینیٹ کی قائمہ کمیٹی کا اجلاس: طلال چوہدری اور سیف اللہ ابڑو کے درمیان ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔07 ستمبر ۔2026 ) سینیٹ کی قائمہ کمیٹی برائے داخلہ کے اجلاس کے دوران وزیرمملکت برائے داخلہ طلال چوہدری اور سیف اللہ ابڑو کے درمیان شدید تلخ کلامی ہوئی ہے وزیر مملکت داخلہ نے ثمینہ ممتاز زہری کے دوسرے بل کی بھی مخالفت کی جبکہ کمیٹی نے حکومتی مخالفت کے باوجود ووٹنگ کے ذریعے بل کثرتِ رائے سے منظور کر لیا.

(جاری ہے)

دورانِ اجلاس طلال چوہدری نے کہا کہ بغیر پڑھے سب بل منظور کرنے ہیں تو آپ کی مرضی ہے جس پر سیف اللہ ابڑو نے کہا کہ ہم سینیٹرز یہاں بس بیٹھے ہیں کہ بل کی مخالفت سنتے رہیں. طلال چوہدری نے کہا کہ میری مرضی میں مخالفت کروں، نہ کروں سیف اللہ ابڑو نے کہا کہ ہم سینیٹرز فارغ بیٹھے ہیں؟ انہیں سمجھائیں طریقہ سکھائیں جس پر طلال چوہدری نے کہا کہ ہیلتھ کا معاملہ ہے، یہ یہاں وزارتِ قانون کے نمائندے پر غصہ ہو رہے ہیں. سینیٹرسیف اللہ ابڑو نے کہا کہ یہ یہاں بیٹھ کر ہمیں دھمکیاں دے رہے ہیں چیئرمین کمیٹی نے کہا کہ سیف اللہ صاحب بس کریں، ڈیکورم کا خیال کریں اور کمیٹی چلانے دیں.