باپ کی دوسری شادی پر مشتعل نوجوان کی فائرنگ‘ سوتیلی ماں اور بہن بھائی ہلاک

تہرے قتل کا واقعہ سکھیکی میں پیش آیا‘فائرنگ سے سوتیلی ماں، 7 اور 5 سالہ سوتیلے بہن بھائی موقع پر جاں بحق ہو گئے . پولیس حکام

میاں محمد ندیم پیر 7 ستمبر 2026 15:01

باپ کی دوسری شادی پر مشتعل نوجوان کی فائرنگ‘ سوتیلی ماں اور بہن بھائی ..

حافظ آباد(اردوپوائنٹ اخبارتازہ ترین-انٹرنیشنل پریس ایجنسی۔07 ستمبر ۔2026 ) حافظ آباد میں نوجوان کی فائرنگ سے 3 افراد جاں بحق ہو گئے، جن میں ملزم کی سوتیلی ماں اور سوتیلے بہن بھائی شامل ہیں پولیس کے مطابق تہرے قتل کا واقعہ سکھیکی میں پیش آیا.

(جاری ہے)

پولیس حکام کے مطابق نوجوان کی فائرنگ سے سوتیلی ماں، 7 اور 5 سالہ سوتیلے بہن بھائی موقع پر جاں بحق ہو گئے پولیس کا کہنا ہے کہ لاشیں ہسپتال منتقل کر دی گئی ہیں. پولیس نے بتایا ہے کہ 10 سال قبل ہوئی والد کی دوسری شادی کا ملزم کو رنج تھا پولیس کے مطابق ملزم کی گرفتاری کے لیے چھاپے مارے جا رہے ہیں.