ممبئی، 350 کروڑ روپے کا سائبر فراڈ نیٹ ورک بے نقاب

ہفتہ 12 ستمبر 2026 14:55

ممبئی (اُردو پوائنٹ اخبارتازہ ترین - اے پی پی۔ 12 ستمبر2026ء) ریاست مہاراشٹر میں ممبئی کرائم برانچ نے سائبر جرائم کے لیے استعمال کیے جانے والے بینک کھاتوں کے ایک بڑے نیٹ ورک کا پردہ فاش کیا ہے جس کے ذریعے تقریبا 350کروڑ روپے کی غیر قانونی رقوم منتقل کی گئیں۔کشمیر میڈیاسروس کے مطابق تفتیش کے دوران ایسے متعدد بینک کھاتوں کا پتہ چلا ہے جنہیں سائبر فراڈ سے حاصل ہونے والی رقم کو مختلف کھاتوں میں منتقل کرنے اور اسے قانونی رقم ظاہر کرنے کے لیے استعمال کیاجا رہا تھا ۔

تفتیش کاروں کے مطابق سائبر جرائم پیشہ افراد فراڈ کے شکار لوگوں سے حاصل ہونے والی رقم پہلے ان کھاتوں میں منتقل کرتے تھے اور پھر مختلف ذرائع سے اسے دوسرے کھاتوں میں منتقل کیا جاتا تھا۔ ایسے کھاتوں کو سائبر جرائم کی دنیا میں ”منیول اکاﺅنٹس“ کہا جاتاہے ۔

(جاری ہے)

ان کے ذریعے فریب دہی، آن لائن دکھوکہ دہی اور دیگر مالی جرائم سے حاصل رقم کو چھپانے میں مدد ملتی ہے ۔

کرائم برانچ نے اس نیٹ ورک سے منسلک افراد مشتبہ افراد کے خلاف کارروائی شروع کر دی ہے اور بعض بنک کھاتوں کو منجمند کر دیا ہے۔ تفتیش کار اب اس بات کا سراغ لگانے میں مصروف ہیں کہ 350کروڑ روپے کی مشتبہ رقم کہاں سے آئی ہے اور اس پورے نیٹ ورک کو چلانے والے اصل سرغنہ کون ہیں۔ اس تازہ معاملے سے اس بات کا پتہ لگتا ہے کہ بھارت میں سائبر جرائم میں بینک کھاتوں کا غلط استعمال تیزی سے بڑھ رہا ہے اور جرائم پیشہ افراد عام لوگوں کے کھاتے استعمال کر کے دھوکہ دہی سے حاصل کردہ رقم کو ایک سے دوسری جگہ منتقل کرتے ہیں جس سے اصل مجرموں تک پہنچنا پولیس کے لیے ایک بڑا چیلنج بن جاتا ہے۔

Facebook Twitter Google + Share on Whatsapp

ممبئی، 350 کروڑ روپے کا سائبر فراڈ نیٹ ورک بے نقاب

متعلقہ عنوان :

مزید بین الاقوامی خبریں