ملک کا نظام صرف 800 لوگ دیکھ رہے ہیں، مفتاح اسماعیل

ایک مستحکم لوکل گورنمنٹ سب چاہتے ہیں، پیپلز پارٹی کے ہوتے ہوئے مضبوط لوکل گورنمنٹ نہیں آسکتی، سابق وزیر

اتوار 13 ستمبر 2026 01:10

چی (اُردو پوائنٹ اخبارتازہ ترین - این این آئی۔ 13 ستمبر2026ء) سابق وفاقی وزیر خزانہ مفتاح اسماعیل نے کہا ہے کہ ملک کا نظام صرف 800 لوگ دیکھ رہے ہیں، اجارہ داریاں قائم ہیں۔ تقریب سے خطاب میں مفتاح اسماعیل نے کہا کہ سندھ اور پنجاب میں سارے اختیارات ایک شخص کے پاس ہے۔

(جاری ہے)

انہوں نے کہا کہ ایک مستحکم لوکل گورنمنٹ سب چاہتے ہیں، پیپلز پارٹی کے ہوتے ہوئے مضبوط لوکل گورنمنٹ نہیں آسکتی۔

سابق وزیر خزانہ نے کہا کہ نیشنل فنانس کمیشن (این ایف سی)سے ڈائریکٹ پیسے لوکل گورنمنٹ کو ملنا چاہئیں۔ انہوںنے کہاکہ کراچی کو یہاں کے لوگوں کو چلانے دیں اور لاڑکانہ وہاں کے لوگوں کو، ایڈمنسٹریٹو یونٹ کا نظام یہ ہے کہ آپ بلدیاتی حکومت کا نظام لائیں۔مفتاح اسماعیل نے کہا کہ اجارہ داریاں قائم ہیں صرف 800 لوگ پورے ملک کا نظام دیکھ رہے ہیں۔