ایف سی پورٹو پاکستان میں پہلی ڈریگن فورس اکیڈمی قائم کریکا

بدھ 16 ستمبر 2026 23:10

لزبن (اُردو پوائنٹ اخبارتازہ ترین - این این آئی۔ 16 ستمبر2026ء) پرتگال کے ایف سی پورٹو کا سیالکوٹ فٹبال اکیڈمی کے ساتھ شراکت داری کا معاہدہ، پاکستان میں ایف سی پورٹو کی پہلی ڈریگن فورس اکیڈمی قائم کی جائے گی۔

(جاری ہے)

شراکت داری کے تحت پاکستانی نوجوان کھلاڑیوں کو جدید اور جامع تربیت دی جائے گی، ایف سی پورٹو پاکستانی کھلاڑیوں، کوچز اور منیجرز کی تربیت میں معاونت کرے گا،اکیڈمی میں پاکستانی نوجوانوں کو عالمی معیار کے فٹبال طریقہ کار سے روشناس کرایا جائے گا،شراکت داری کا مقصد پاکستانی نوجوانوں کو عالمی کھیلوں میں آگے بڑھنے کے مواقع فراہم کرنا ہے،ایف سی پورٹو کی ڈریگن فورس اکیڈمیز میکسیکو، برازیل، کولمبیا، ترکیہ، موزمبیق، بھارت سمیت پہلے ہی 10 ممالک میں قائم ہیں۔

واضح رہے کہ پاکستانی سفارتخانے کی معاونت سے ایف سی پورٹو اور سیالکوٹ فٹبال اکیڈمی میں شراکت داری کا معاہدہ ہوا ہے۔