Live Updates

مکہ مکرمہ میں مالٹے کے چھلکے زمین پھینکنے پر عمر ہ کرنے والا شخص کا ڈرائیور سے مکالمہ،ویڈیو وائرل

وائرل ویڈیو میں عمرہ کرنے والا شخص نے مالٹے کے چھلکے واپس ڈرائیور کے گاڑی کے اندر پھینک دیا

جمعرات 17 ستمبر 2026 17:50

مکہ مکرمہ میں مالٹے کے چھلکے زمین پھینکنے پر عمر ہ کرنے والا شخص کا ..

مکہ مکرمہ میں ایک ایشیائی شخص کی جانب سے مالٹے کے چھلکے زمین پر پھینکنے اور ایک عمرہ زائر کی جانب سے اسے صفائی کا خیال رکھنے کی تلقین کرنے کی ویڈیو سوشل میڈیا پر وائرل ہوگئی۔

سوشل میڈیا پر زیر گردش ویڈیو میں دیکھا جا سکتا ہے کہ ایک شخص مکہ مکرمہ میں ٹیکسی کے اندر بیٹھ کر مالٹا کھا رہا ہے اور کھانے کے بعد اس کے چھلکے اور باقیات سڑک پر پھینک دیتا ہے۔

قریب موجود عمرہ زائر اس عمل کو دیکھ کر زمین سے چھلکے اٹھاتا ہے اور مذکورہ شخص کو واپس دے دیتا ہے تاکہ اسے عوامی مقام پر گندگی پھیلانے سے روکا جا سکے۔

ویڈیو کے مطابق مذکورہ شخص نے مالٹے کے چھلکے لینے کے بعد انہیں ایک مرتبہ پھر زمین پر پھینک دیا۔ اس پر عمرہ زائر نے دوبارہ چھلکے زمین سے اٹھائے اور اس مرتبہ انہیں براہ راست اس شخص کے ہاتھ میں تھما دیا، جس کے بعد دونوں کے درمیان مختصر گفتگو بھی ہوئی۔

(جاری ہے)

یہ منظر وہاں موجود ایک شخص نے اپنے موبائل فون کے کیمرے میں محفوظ کرلیا، جس کے بعد ویڈیو مختلف سوشل میڈیا پلیٹ فارمز پر تیزی سے شیئر ہونا شروع ہوگئی۔

بالفيديو.. ردة فعل معتمر تجاه راكب آسيوي ألقى بقايا البرتقال على الأرض في مكة

*****

صحيفة المرصد: أظهر مقطع فيديو متداول ردة فعل أحد المعتمرين تجاه راكب آسيوي ألقى بقايا برتقالة على الأرض في مكة المكرمة.

ووثق الفيديو، الراكب الآسيوي أثناء جلوسه داخل تاكسي وتناوله برتقالة، قبل… pic.twitter.com/WOZM1N3MCT
— صحيفة المرصد (@marsdnews24) September 17, 2026

ویڈیو سامنے آنے کے بعد سوشل میڈیا صارفین کی بڑی تعداد نے عمرہ زائر کے اقدام کو سراہتے ہوئے کہا کہ مکہ مکرمہ جیسے مقدس شہر سمیت تمام عوامی مقامات پر صفائی کا خیال رکھنا ہر شخص کی ذمہ داری ہے۔

صارفین نے سڑکوں اور عوامی مقامات پر کھانے پینے کی اشیاء کے چھلکے اور دیگر کچرا پھینکنے سے گریز کرنے کی ضرورت پر بھی زور دیا۔

سعودی میڈیا میں بھی یہ ویڈیو رپورٹ کی گئی ہے، جہاں مذکورہ شخص کو ایک ایشیائی مسافر قرار دیا گیا ہے۔ رپورٹس کے مطابق وہ ٹیکسی کے اندر بیٹھا مالٹا کھا رہا تھا اور اس کی باقیات زمین پر پھینک رہا تھا، جس پر عمرہ زائر نے عملی طور پر اسے صفائی برقرار رکھنے کی تلقین کی۔

واقعے کی ویڈیو نے سوشل میڈیا پر خاصی توجہ حاصل کی ہے اور صارفین اسے عوامی مقامات پر صفائی اور شہری ذمہ داری کے حوالے سے ایک آگاہی کا پیغام قرار دے رہے ہیں۔