Live Updates

یورپی یونین اور نیٹو کو ایران کیخلاف امریکا اسرائیل جنگ میں شریک ہونے پر جوابدہ ہونا چاہیے، اسماعیل بقائی

ہفتہ 26 ستمبر 2026 16:12

تہران (اُردو پوائنٹ اخبارتازہ ترین - این این آئی۔ 26 ستمبر2026ء) ایرانی وزارتِ خارجہ کے ترجمان اسماعیل بقائی نے کہا ہے کہ یورپی یونین اور نیٹو کو ایران کے خلاف امریکا اسرائیل جنگ میں شریک ہونے پر جوابدہ ہونا چاہیے۔اپنے ایک بیان میں اسماعیل بقائی نے کہا کہ نیٹو کے سیکریٹری جنرل مارک روٹے کا امریکی اسرائیلی جنگ میں معاونت کا بیان واضح اعتراف ہے۔

(جاری ہے)

انہوں نے کہا کہ مارک روٹے نے بتایا کہ یورپ نے ایران کے خلاف امریکا اسرائیل جنگ میں فعال حصہ لیا۔اسماعیل بقائی کا کہنا تھا کہ جنگ کے دوران یورپی ممالک اور نیٹو اس بات کی تردید کر رہے تھے۔ترجمان ایرانی وزارتِ خارجہ نے کہا کہ یورپی حکومتوں کی فوجی، سیاسی اور لاجسٹک یا دیگر معاونت کے نتیجے میں ہلاکتیں اور تباہی ہوئی، جس کی تحقیقات ہونی چاہئیں۔اسماعیل بقائی کا یہ بھی کہنا تھا کہ ایندھن کی قیمتوں میں اضافے اور دیگر مشکلات کو بھی یورپی حکومتوں کی معاونت کے تناظر میں دیکھنا چاہیے۔