صوبہ پنجاب دنیا بھر میں رول ماڈل اور سرمایہ کاروں کی توجہ کا مرکز بن رہا ہے، صدرچیمبر آف کامرس اینڈ انڈسٹری

لاہور (اُردو پوائنٹ اخبارتازہ ترین - اے پی پی۔ 03 اگست2025ء) لاہور چیمبر آف کامرس اینڈ انڈسٹری کے صدر میاں ابوذر شاد نے کہا ہے کہ وزیراعلی پنجاب کی قیادت میں حکومت پنجاب نے جس تیز رفتاری سے انفراسٹرکچر، صحت، تعلیم، زراعت، واٹر سپلائی اور ٹرانسپورٹ جیسے اہم شعبہ جات میں ترقیاتی اقدامات کیے ہیں وہ نہ صرف لائقِ تحسین ہیں بلکہ بین الاقوامی معیار کے ان منصوبوں کی بدولت پنجاب دنیا بھر میں رول ماڈل اور سرمایہ کاروں کی توجہ کا مرکز بن رہاہے۔

ایک بیان میں میاں ابوذر شاد نے کہا کہ پنجاب حکومت کی ترجیحات میں عوامی فلاح و بہبود کو مرکزی حیثیت حاصل ہے۔ ہیلتھ سیکٹر میں موبائل کلینکس، ہیلتھ یونٹس کی اپ گریڈیشن، سرکاری اسپتالوں میں مفت ادویات کی فراہمی اور دل کے مریضوں کے لیے خصوصی سہولیات نے عام شہریوں کے دل جیت لیے ہیں۔

(جاری ہے)

صحت کے شعبہ میں انقلابی اقدامات موجودہ حکومت کے ویژن میں شاملہیں۔

انہوں نے کہا کہ کھیت سے منڈی تک سڑکوں نے زرعی پیداوار کی تیز تر اور کم خرچ منتقلی ممکن بنائی ہے جس سے کسانوں اور خریداروں دونوں کو فائدہ ہو رہا ہے۔ شہروں اور دیہات میں سڑکوں کی تعمیر و مرمت سے نہ صرف آمدورفت میں آسانی پیدا ہوئی ہے بلکہ تجارتی سرگرمیوں میں بھی خاطر خواہ اضافہ ہوا ہے۔ٹرانسپورٹ کے شعبے میں اٹھائے گئے مثبتاقدامات کی وجہ سے ٹریفک کے بہائو میںبہتری کے ساتھ ساتھ فلائی اوورز، انڈر پاسز اور ماس ٹرانزٹ سسٹم سیوقت اور ایندھن دونوں کی بچت اورماحولیاتی بہتری کا بھی سبب بن رہے ہیں جبکہ تجارتی سامان کی تیزی سے نقل و حمل سے تجارتی و معاشی سرگرمیاں بھی بڑھ رہی ہیں۔

لاہور چیمبر کے صدر نے کہا کہ زراعت کے شعبے میں سبسڈی اسکیمیں، کسان کارڈ، جدید مشینری ،ڈیجیٹل پلیٹ فارمز کے ذریعے معلومات کی فوری فراہمی جیسے اقدامات قابلِ تعریف ہیں۔ ان پالیسیوں نے چھوٹے کسانوں کو جدید زراعت سے جوڑ دیا ہے جبکہ تعلیم کے شعبے میں سکولوں و کالجز کی اپ گریڈیشن، مفت کتابوں کی فراہمی، اساتذہ کی تربیت اورخصوصا بچیوں کی تعلیم کو ترجیح دے کر پنجاب حکومت نے روشن مستقبل کی بنیاد رکھی ہے۔

انہوں نے ویمن امپورومنٹ اور یوتھ ڈیولپمنٹ پروگرامز کو بھی وزیراعلی پنجاب مریم نواز کی دانشمندانہ حکمت عملی قرار دیا اور کہا کہ خواتین کے لیے کاروباری سہولیات، مالی مدد، تربیتی کورسز اور نوجوانوں کے لیے اسکلز ڈویلپمنٹ پروگرام جیسے اقدامات سے معیشت میں نیا خون شامل ہو رہا ہے۔میاں ابوذر شاد نے خاص طور پر سرمایہ کاری کے فروغ کے لیے وزیر اعلی پنجاب کی کاوشوں کی تعریف کرتے ہوئے کہا کہ ون ونڈو آپریشن، انڈسٹریل زونز کی بحالی اور کاروباری رجسٹریشن کے عمل میں آسانی جیسے اقدامات سے ملکی و غیر ملکی سرمایہ کاروں کا اعتماد بحال ہو رہا ہے۔

انہوں نے مزید کہا کہ لاہور چیمبر آف کامرس اینڈ انڈسٹری وزیراعلی پنجاب کے ساتھ کندھے سے کندھا ملا کر کھڑا ہے اور ایک خوشحال، جدید اور ترقی یافتہ پنجاب کے لئے کوشاں ہے ۔