Asli Khushi - Article No. 1937

اصلی خوشی

بی فاختہ اس آزادی پہ بے حد خوش تھیں اور یہ سمجھ چکی تھیں کہ یہ آزادی اس بچے کی وجہ سے ملی ہے

جمعہ 2 اپریل 2021

Asli Khushi
زویا فہد
سیب کے درخت پر ایک فاختہ اپنے ننھے بچے کے ساتھ رہتی تھی۔اسے یہاں ہر قسم کا سکون نصیب تھا۔ایک روز،فاختہ بی اپنے بچے کے ساتھ گھونسلے میں بیٹھی ہوئی تھی کہ سڑک کے کنارے چند لوگ اسے آتے دکھائی دیئے۔
وہ چڑی مار تھے۔فاختہ ابھی سوچ ہی رہی تھی کہ غلیل کا ایک پتھر اس کو لگا اور وہ زمین پر گر پڑی۔
جب فاختہ کو ہوش آیا تو اس نے اپنے گرد ایک کٹورے میں پانی اور دوسرے میں باجرا دیکھا۔ایک جھولا اور ایک نرم گرم چادر بھی وہاں پڑی تھی۔
وہ ایک باریک بند جالی اور دوسرے پنجروں کو دیکھ کر سمجھ گئی کہ وہ بھی ان چند بد نصیبوں میں شامل ہو گئی ہے جن سے آزادی کی نعمت چھین لی گئی ہے۔اب وہ اور اس کا بیٹا دونوں غمزدہ تھے۔کھانا پینا بھول کر اُداس رہنے لگے۔

(جاری ہے)

ان کو ایک چڑیا بیچنے والے شخص نے چڑی ماروں سے خریدا تھا۔


ایک روز دکان میں ایک نیک فطرت بچہ،اپنے والد کے ساتھ آیا۔وہ دوسرے پرندوں کو دیکھتا ہوا فاختہ کے پنجرے کے سامنے رک گیا۔ اس نے دونوں پرندوں کو دیکھ کر اندازہ کر لیا کہ وہ دونوں آزاد ہونا چاہتے ہیں۔اس نے اپنے والد سے کچھ کہا۔
والد نے فاختاؤں کو دیکھتے ہوئے تائید میں سر ہلایا اور فاختہ کو اس کے بچے سمیت خرید لیا۔گھر پہنچ کر اس نے فاختہ اور اس کے بچے کو آزاد کر دیا۔
بی فاختہ اس آزادی پہ بے حد خوش تھیں اور یہ سمجھ چکی تھیں کہ یہ آزادی اس بچے کی وجہ سے ملی ہے۔
فاختہ نے سوچا کہ اس سے بہتر ٹھکانا اس کو نصیب نہیں ہو سکتا،لہٰذا فاختہ نے اپنا گھونسلا اسی بچے کے باغ میں بنانے کا فیصلہ کر لیا۔اب بی فاختہ اپنے بچے کے ساتھ اس باغ میں آزادی سے اُڑتی پھرتی رہتی ہے۔بچہ بھی ان کو دانہ ڈالتا ہے اور اس دوستی میں اس کو بھی بہت مزہ آتا اور وہ سمجھ گیا کہ یہ اس کی چھوٹی سی نیکی کا صلہ ہے۔

مزید اخلاقی کہانیاں

Jald Bazi Ka Injaam

جلد بازی کا انجام

Jald Bazi Ka Injaam

Ek Naik Dil Pari

ایک نیک دل پری

Ek Naik Dil Pari

Mujrim Pakde Gaye

مجرم پکڑے گئے۔۔تحریر:مختار احمد

Mujrim Pakde Gaye

Kareem Sahab Ka Ghar

کریم صاحب کا گھر

Kareem Sahab Ka Ghar

Maloomat

معلومات

Maloomat

Jadu Ka Sheesha Aur Shehzadi - Aakhri Hissa

جادو کا شیشہ اور شہزادی (آخری حصہ)

Jadu Ka Sheesha Aur Shehzadi - Aakhri Hissa

Chirya Ka Inteqam

چڑیا کا انتقام۔۔۔تحریر:ابوعبدالقدوس محمد یحییٰ

Chirya Ka Inteqam

Aik Naya Azm

ایک نیا عزم

Aik Naya Azm

Samundari Pariyaan Akhri Qist

سمندری پریاں آخری قسط

Samundari Pariyaan Akhri Qist

Kaam Wali

کام والی

Kaam Wali

Galti Hamari Hai

غلطی ہماری ہے۔۔۔تحریر:مختار احمد

Galti Hamari Hai

Neki Wala Daba

نیکی والا ڈبا

Neki Wala Daba

Your Thoughts and Comments