Doghli Chamgadar - Article No. 2247
دوغلی چمگادڑ - تحریر نمبر 2247
وہ جب دیکھتی کہ پرندے جیت رہے ہیں تو وہ ان کی حمایت کا اعلان کر دیتی اور جب دیکھتی کہ جانوروں کا پلڑا بھاری ہے تو جانوروں میں شامل ہو جاتی اور جانور ہونے کا دعویٰ کرتی۔
پیر 2 مئی 2022
شیر نے بادشاہ ہونے کا دعویٰ کر دیا اور پرندوں کی طرف سے عقاب نے اپنی خدمات پیش کیں لیکن مسئلہ جوں کا توں رہا۔چوپائے اپنے ساتھیوں کی حمایت اور تعریف میں لگے ہوئے تھے تو پرندے اپنی اہمیت جتا رہے تھے۔
(جاری ہے)
اس بحث کے دوران چمگادڑ کا رویہ بڑا عجیب و غریب تھا۔وہ جب دیکھتی کہ پرندے جیت رہے ہیں تو وہ ان کی حمایت کا اعلان کر دیتی اور جب دیکھتی کہ جانوروں کا پلڑا بھاری ہے تو جانوروں میں شامل ہو جاتی اور جانور ہونے کا دعویٰ کرتی۔
یہ سلسلہ چلتا ہی رہا اور آخر جانور پرندوں پر بازی لے گئے۔شیر کو جنگل کا بادشاہ بنا دیا گیا۔اب تمام جھگڑوں کا فیصلہ شیر ہی کرتا تھا۔شیر کے اچھے رویے کی وجہ سے جانور تو جانور،پرندے بھی مطمئن ہو گئے تھے مگر ان دونوں گروہوں کو چمگادڑ کے دوغلے رویے پر بے حد غصہ آتا تھا۔
شیر کے جیتنے کے بعد جب چمگادڑ اس کو مبارکباد دینے پہنچی تو سب نے اسے دھکے دے کر باہر نکال دیا کہ تم تو پرندوں میں شامل ہو کیونکہ کسی بھی چوپائے کے پَر نہیں ہوتے۔
چمگادڑ روتی پیٹتی پرندوں کے پاس پہنچی اور کہا کہ چوپایوں نے مجھے مار بھگایا ہے کیونکہ میں جانور نہیں ہوں لیکن پرندوں نے اس کا مذاق اُڑاتے ہوئے کہا کہ تم چوپایوں میں شامل ہو کیونکہ پرندے تو انڈے دیتے ہیں جبکہ تم اپنے بچوں کو دودھ پلاتی ہو۔
یہ کہہ کر سب نے اسے وہاں سے مار بھگایا۔چمگادڑ نے بہت کہا کہ میں پرندوں میں شامل ہوں مگر کسی پرندے نے اسے اپنے ساتھ شامل نہ کیا۔
اس کے بعد سے چمگادڑ کی زندگی تنہا گزرنے لگی۔وہ اب بھی تنہا ہے اور اپنی بری عادت کی سزا بھگت رہی ہے۔
جب کبھی وہ خود کو مجرم سمجھنے لگتی ہے تو سزا کے طور پر درخت سے اُلٹی لٹک جاتی ہے اور روتی ہے اور جب سب پرندے سو جاتے ہیں تو رات کو سناٹے میں باہر آ جاتی ہے کہ کہیں کوئی پرندہ دیکھ نہ لے۔دوغلے رویے نے اسے منہ چھپانے پر مجبور کر دیا ہے۔
Browse More Moral Stories
چیونٹی اور بھڑ (پہلا حصہ)
Chiyunti Aur Bhir - Pehla Hissa
چور کی سزا
Chor Ki Saza
کھچڑی کا قصور
Khichri Ka Kasoor
سب سے اچھا نمونہ
Sab Se Acha Namoona
اناج
Anaaj
مقدس پیشہ
Muqaddas Pesha
Urdu Jokes
باپ بیٹی سے
Baap beti se
استاد شاگرد سے
Ustad Shagird se
بیٹا باپ سے
Beta baap se
دو خواتین
Do khawateen
سینڈوچ
sandwich
دعوت
dawat
Urdu Paheliyan
شوں شوں کرتی نار اک نکلی
sho sho karti naar ek nikli
ہاتھ میں لے کر ذرا گھمایا
hath me leke zara ghumaya
دیکھا دھاگا ریشم جیسا
dekha dhaga resham jaisa
سب کو دیکھے اور پہچانے
sabko dekhe aur pehchane
مخمل کے پردے خوشبو کا گھر
makhmal ke parde khushboo ka ghar
رنگ برنگی چھیل چھبیلی
rang birangi chel chabeli