Shaheed Millat - Article No. 1697
شہید ملت - تحریر نمبر 1697
قائد ملت لیاقت علی خان کا شمار ان عظیم ہستیوں میں ہوتا ہے جو پاکستان کے لئے پیدا ہوئیں ،پاکستان کے لئے زندہ رہیں اور پاکستان کے لئے ہی جان قربان کی ۔
منگل 31 مارچ 2020
قائد ملت لیاقت علی خان کا شمار ان عظیم ہستیوں میں ہوتا ہے جو پاکستان کے لئے پیدا ہوئیں ،پاکستان کے لئے زندہ رہیں اور پاکستان کے لئے ہی جان قربان کی ۔وہ ملک کے صف اول کے رہنماؤں میں سے تھے اور قائد ملت کے نام سے مشہور تھے ۔قائد اعظم کے دست راست اور آل انڈیا مسلم لیگ کے سیکریٹری تھے۔
قائد ملت کرنال کے نواب خاندان میں 1895ء میں پیدا ہوئے تھے ۔ان کا سلسلہ نسب ایران کے مشہور فرمانروانوشیرواں سے ملتاہے۔ ابتدائی تعلیم انھوں نے اُتر پردیش میں حاصل کی ۔بی اے علی گڑھ یونی ورسٹی سے کیا اور بیرسٹری کی تعلیم کے لئے انگلینڈ کی آکسفورڈ یونی ورسٹی میں داخل ہو گئے ۔1921ء میں انھوں نے قانون کی ڈگری حاصل کی ۔وہ فطرتاً خاموش طبع اور محنتی انسان تھے ۔
(جاری ہے)
ان کے دل میں قوم کا گہرا درد تھا ۔ظاہر داری اور منافقت سے انھیں نفرت تھی۔
قائد اعظم نے ان کی قابلیت کی قدر کرتے ہوئے انھیں اپنا دست راست بنا لیا ۔1947ء کو پاکستان وجود میں آیا تو وہ ملک کے پہلے وزیر اعظم بنے ۔یوں ایک نہایت اہم ترین ذمے داری ان کے کاندھوں پر آن پڑی۔ انھوں نے اپنی قابلیت ،تدبیر اور سیاسی سوجھ بوجھ کا پورا پورا ثبوت دیا۔عالمی برادری میں بھی انھوں نے پاکستان کا نام بلند کیا۔ قائداعظم کی وفات کے بعد تو ان پر مزید ذمے داری پڑ گئی ۔انھوں نے ہر مشکل کا مقابلہ نہایت مد برانہ اور تحمل مزاجی سے کیا۔ ان کی عظیم خدمات کے اعتراف کے طور پر قوم نے انھیں قائد ملت کا خطاب دیا ۔ان میں یقینی طور جرأت ،مستقل مزاجی اور بہترین انتظامی قابلیت موجود تھی ۔جس سے شب وروز کام لے کر انھوں نے آخری دم تک ملک وملت کی بے غرض خدمت انجام دی ۔انھوں نے امریکا کا دورہ کیا اور وزرائے اعظم کا نفرنس میں شامل ہو کر پاکستان کی حقیقت کو تسلیم کروایا ۔
بھارت نے جب پاکستانی سرحدوں پر فوج جمع کی تو آپ نے بھارت کو مکا دکھا کر اپنی قوم کو متحد ہونے کا پیغام دیا۔وہ مسلمانان عالم کو ایک پلیٹ فارم پر اکھٹا کرنے کے خواہش مند تھے ۔16اکتوبر1951ء کو آپ راولپنڈی میں ایک اہم تقریر کرنے والے تھے ،آپ نے کھڑے ہو کر صرف یہ کہا تھا کہ میرے پیارے ہم وطنو!کہ سید اکبر نامی ایک شخص نے آپ پر فائرنگ کردی ۔جس کے نتیجے میں انھوں نے قوم کو ہمیشہ ہمیشہ چھوڑ گئے ۔کسی ملک کو ایسے مخلص اور قابل سیاست دان مشکل سے ملا کرتے ہیں ۔جب آپ زندہ تھے تو قائد ملت تھے پھر شہید ہونے کے بعد شہید ملت کہلائے ،آپ کو پاکستان سے اس قدر محبت تھی کہ جو شہادت کے وقت بھی آپ کی زبان سے جو جملہ نکلا وہ یہ تھا:”خدا پاکستان کی حفاظت کرے۔“
Browse More Moral Stories
مل کر پاکستان بچائیں
Mill Kar Pakistan Bachayein
تنہا بندر
Tanha Bandar
مچھلی سب کو ملی
Machli Sab Ko Mili
دوست وہ جو ہمیشہ کام آئے
Dost Wo Ju Hamesha Kaam Aye
عنایہ کی گڑیا۔۔۔تحریر: مبشرہ خالد
Anaya Ke Gurya
عید کارڈ
Eid Card
Urdu Jokes
بیمہ ایجنٹ
bima agent
ایک صاحب
Aik sahib
ناشر نے معذرت کرتے ہوئے
nashir ne moazrat karte hue
دانت کا درد
dant ka dard
ایک سردار جی
Aik sardar ji
سنہری موقع
sunehri mauqa
Urdu Paheliyan
جب بھی وہ میدان میں آئے
jab bhi wo medan me ae
چلتی جائے ایک کہانی
chalti jaye ek kahani
دیکھی ہم نے ایک مشین
dekhi hum ne ek machine
شوں شوں کرتی نار اک نکلی
sho sho karti naar ek nikli
جب کھائیں تو سب کو بھائیں
jab khayen tu sab bhaien
اک مپرزہ جو لے کر آیا
aik purza jo lay kar aya