ایبٹ آباد، 120 گرام تندوری روٹی کی قیمت 15 روپے مقرر

ایبٹ آباد (اُردو پوائنٹ اخبارتازہ ترین - اے پی پی۔ 22 مئی2024ء) ضلعی انتظامیہ ایبٹ آباد نے 120 گرام تندوری روٹی کی قیمت 15 روپے مقرر کر دی گئی۔ پرائس ریویو کمیٹی ضلع ایبٹ آباد کے ہونے والے اجلاس میں آٹا کی قیمتیں کم ہونے کہ وجہ سے صوبائی حکومت کے احکامات پر 120 گرام تندوری روٹی کی قیمت کم کر کے 15 روپے مقرر کر دی گئی ہے. عوام کسی بھی شکایت کی صورت میں دفتر محکمہ خوراک ایبٹ آباد سے دستی، تحریری اور ٹیلیفون پر رابطہ کریں۔

(جاری ہے)

گندم کی قیمت میں واضح کمی کے بعد تندوری روٹی کی قیمت میں کمی کے علاوہ بیکری آئٹم اور مٹھائی کی قیمتوں میں کمی کی نئی ریٹ لسٹ جاری کی گئی ہے جس کے مطابق درجہ اول کی مکس مٹھائی کی قیمت 700 روپے، رس گلہ، گلاب جامن 750 روپے، میٹھی ڈبل روٹی 400 گرام 100 روپے، میٹھی ڈبل روٹی 800 گرام 200 روپے، سادہ ڈبل روٹی 400 گرام 100 روپے، سادہ ڈبل روٹی 800 گرام 200 روپے، درجہ دوئم کی مکس مٹھائی 660 روپے، رس گلہ، گلاب جامن 700 روپے، میٹھی ڈبل روٹی 400 گرام 100 روپے، میٹھی ڈبل روٹی 800 گرام 200 روپے، سادہ ڈبل روٹی 400 گرام 100 روپے، سادہ ڈبل روٹی 800 گرام 200 روپے، درجہ سوئم کی مکس مٹھائی کی قیمت 600 روپے، رس گلہ، گلاب جامن 650 روپے، میٹھی ڈبل روٹی 400 گرام 100 روپے، میٹھی ڈبل روٹی 800 گرام 200 روپے، سادہ ڈبل روٹی 400 گرام 100 روپے، سادہ ڈبل روٹی 800 گرام کی قیمت 200 روپے مقرر کی گئی ہے۔