ڈائریکٹر محکمہ انٹی کرپشن راولپنڈی رینج میں متنازعہ دستگیری انتقال کے خلاف فیصلہ کن انکوائری کا آغاز

چکوال(اُردو پوائنٹ اخبارتازہ ترین - این این آئی۔ 13 جون2025ء) ڈائریکٹر محکمہ انٹی کرپشن راولپنڈی رینج میں متنازعہ دستگیری انتقال کے خلاف فیصلہ کن انکوائری کا آغاز ہو گیا ، ریجنل ڈائریکٹر خالد مسعود نے درخواست گزار چیئرمین چکوال پریس کلب خواجہ بابر سلیم محمود کو محکمہ مال کے اہلکاروں سمیت بمعہ ریکارڈ بدھ کے روز طلب کیا تھا محکمہ مال کی طرف سے ریکارڈ لے کر پٹواری چوہدری مسرت حسین پیش ہوئے اور فاضل ڈائریکٹر کو بتایا کہ یہ انتقال 2017ء میں اے ڈی سی کے حکم پر کیا گیا تھا جبکہ اِس دوران درخواست گزار نے فاضل ڈائریکٹر کو دستگیری انتقال کے حوالے سے ڈپٹی کمشنر چکوال کو وہ عدالتی بیان جس میں تنصیر احمد خان ولد غلام دستگیر کی طرف سے کیے جانے والے دعویٰ میں جواب دیتے ہوئے لکھا کہ درخواست گزار بدنیتی کے ساتھ آیا ہے اور اِس کے پاس جو دستاویزات ہیں وہ فرضی اور من گھڑت ہیں ریجنل ڈائریکٹر خالد مسعود نے اِس دوران بتایا کہ وہ اِس تمام صورتحال کا جائزہ لینے کیلئے خود چکوال آئینگے ۔

(جاری ہے)

دستگیری انتقال کے خلاف فیصلہ کن انکوائری میں حیرت انگیز انکشافات سامنے آ رہے ہیں ۔