13سالہ بیٹی اور9 سالہ بھتیجی کو زیادتی کا نشانہ بنانے والے مجرم کو2 بار عمرقید اور2 لاکھ روپے جرمانہ کی سزا کا حکم سنا دیاگیا

جمعرات نومبر 19:07

فیصل آباد۔26نومبر  (اُردو پوائنٹ اخبارتازہ ترین - اے پی پی۔ 26نومبر2020ء) :سیشن کورٹ فیصل آباد نے 13سالہ بیٹی اور9 سالہ بھتیجی کو زیادتی کا نشانہ بنانے والے مجرم کو2 بار عمرقید اور2 لاکھ روپے جرمانہ کی سزا کا حکم سنا دیاہے۔

(جاری ہے)

مقدمہ کی تفصیلات کے مطابق معلوم ہوا ہے کہ پولیس تھانہ صدر فیصل آباد میں 19 جون 2018 کو ایک خاتون اقبال بی بی زوجہ رستم علی کی جانب سے درج کروائے گئے مقدمہ میں مؤقف اختیار کیا گیا تھا کہ اس کا خاوند رستم علی سکنہ 214 رب گلشن رحیم اپنی13 سالہ بیٹی سمیرا کوثر اور مرحوم بھائی اکرم کی9 سالہ یتیم بیٹی کو2 سال تک زیادتی کا نشانہ بناتا رہا۔

پولیس نے مقدمہ کی تفتیش کے دوران جرم ثابت ہونے پرچالان مکمل کرکے عدالت میں پیش کیا جس کا فیصلہ سناتے ہوئے ایڈیشنل ڈسٹرکٹ اینڈ سیشن جج فیصل آباد امتیاز ندیم نے جمعرات کے روز مجرم کو2 بار عمرقید اور2 لاکھ روپے جرمانہ کی سزا کا حکم سنا یا جبکہ عدم ادائیگی جرمانہ پر مجرم رستم علی کو مزید ایک سال قید با مشقت کی سزا بھی بھگتنا ہوگی۔

فیصل آباد شہر میں شائع ہونے والی مزید خبریں:

Your Thoughts and Comments