ذخیر اندوزی ، مصنوعی مہنگائی کا باعث بننے والے افراد کے خلاف سخت کارروائی عمل میں لائی جارہی ہے،ڈپٹی کمشنر

گجرات (اُردو پوائنٹ اخبارتازہ ترین - اے پی پی۔ 10 مئی2024ء) ڈپٹی کمشنر صفدر حسین ورک کی ہدایات پر اسسٹنٹ کمشنر گجرات محمد اکمل نے علی الصبح سبزی و فروٹ منڈی گجرات کا دورہ کیا۔منڈی کے مختلف حصوں کا جائزہ لیا اور نیلامی اور ریٹ لسٹوں کے اجراء کے عمل کی نگرانی کی۔اسسٹنٹ کمشنر گجرات محمد اکمل نے کہ ذخیر اندوزی کرنے اور مصنوعی مہنگائی کیا باعث بننے والے افراد کے خلاف سخت کارروائی عمل میں لائی جارہی ہے۔

(جاری ہے)

سبزی و فروٹ منڈیوں کی مسلسل مانیٹرنگ کی جارہی ہے، ضلع انتظامیہ کی طرف سے مقرر کردہ ریٹ پر عملدرآمد یقینی بنایا جارہا ہے، پرائس کنٹرول مجسٹریٹس باقاعدگی سے مارکیٹس کا دورہ کررہے ہیں۔انہوں نے کہا کہ دکاندار حضرات ریٹ لسٹ نمایاں مقامات پر آویزاں کریں، اور ضلعی انتظامیہ کی طرف سے مقرر کردہ نرخوں پر اشیاء خوردونوش کی فروخت یقینی بنائیں بصورت دیگر سخت کارروائی عمل میں لائی جائے گی۔بعد ازاں اسسٹنٹ کمشنر گجرات محمد اکمل نے شہر کے مختلف علاقوں کا دورہ کیا اور جاری صفائی مہم کا جائزہ لیا، انہوں نے میونسپل کمیٹی کے افسران و عملہ کو ہدایت کی کہ شہریوں کو بہترین میونسپل سروسز کی فراہمی یقینی بنائی جائے۔