ٹی سی ایس (پرائیویٹ) لمیٹڈ اور سیرین ایئر (پرائیویٹ) لمیٹڈ کے مابین موزوں سپلائی چین سلوشنز کو بڑھانے کے لیے اشتراک

کراچی (اُردو پوائنٹ اخبارتازہ ترین - این این آئی۔ 30 نومبر2021ء) ٹی سی ایس پرائیویٹ لیمیٹڈ اور سیرین ایئر نے کارگو جنرل سیلز معاہدے پر دستخط کئے ہیں ۔ اس معاہدے پر علمدرامد یکم دسمبر 2021 سے کیا جائے گا جس کے تحت ٹی سی ایس سیرین ایئر کی تمام اندرون ملک پروازوں کے لئے بطور کارگو سیلز ایجنٹ کے طور پر کام کرے گا۔ ٹی سی ایس اور سرین ایئر کے درمیان ہونے والی اس شراکتداری سے پاکستانی صارفین کو فائدہ ہوگا جو کہ اس اشتراک سے گزشتہ کئی سال سے ٹی سی ایس کے وسیع نیٹ ورک اور کئی دھائیوں پر مشتمل تجربہ ا ور سرین ایئر کے جدید فلیٹ کواستعمال کررہے ہیں۔

جی ایس اے معاہدے پر دستخط سے، دونوں خدمات فراہم کرنے والوںنے سامان کی اندرون ملک نقل و حمل کے لئے ایک نمایاں اقدام ہے ۔

(جاری ہے)

اس موقع پر بات چیت کرتے ہوئے ٹی سی ایس کے چیف ایگزیکٹو محمد حارث جمالی کا کہنا تھاکہ ہم اس وقت تعاون اور اشتراک کی دنیا میں رہ رہے ہیں۔ یہ شراکتداری دونوں اداروں کو اپنے صارفین کے تجربے بہتر بنانے میں معاون ثابت ہوگی سیرین ایئر سے شراکتداری، پاکستان بھر مین سامان اور تجارتی اشیا،ْ کی تیز رفتار نقل و حرکت کو تیز کرتے ہوئے یکساں طور پر چھوٹے اور درمیانے درجے کے کاروبار کی سپلائی چین کو فائدہ پہنچائے گا۔

اس کے علاوہ انٹر نیشل ٹرانسپورٹ ایسوسی ایشن کا لائسنس رکھنے کی وجہ سے ہر طرح کے صارفین سے رابطہ رکھنے کا مجاز ہے۔ اپنی اپنی صنعت کے دو بڑوں کے درمیان ہونے والی شرکتداری سے صارفین تیزرفتار، محفوظ اور سستی کارگوں کی وجہ سے تجارتی صورتحال بہتر ہوگی۔ جس سے ملک کے اندر چھوٹے اور درمیانے درجے کے کاروبار کرنے والے صارفین کوفائدہ ہوگا۔

ی سی ایس نہ صرف پاکستان کا ایک بڑا لاجسٹکس اور سپلائی چین سلوشن فراہم کرنے والا ادارہ ہے بلکہ وہ انٹرنیشنل ایئر ٹرانسپورٹ ایسوسی ایشن (IATA) کا لائسنس ہولڈر بھی ہے، جو اُسے پاکستان کے تمام کونوں تک پہنچنے کے قابل بناتا ہے۔ دو بڑے صنعتی اداروں کے درمیان یہ شراکت داری صارفین تک رسائی، کارگو کی تیز، محفوظ اور سستی نقل و حرکت اور ملک کے اندر تجارتی حالات کو بہتر بنانے میں مدد فراہم کرے گی۔ ساتھ ہی ساتھ بڑے اور چھوٹے تاجروں و کاروباری افراد کو پورے ملک میں موجود اپنے صارفین تک پہنچنے کے قابل بھی بنائے گا۔