جی سی یونیورسٹی لاہور کے نئے کیمپس میں تعلیمی سرگرمیوں کا آغاز

نئے کیمپس میں صبح 9 سے دوپہر 1 بجے تک کلا سز ہو نگی،طلباء کو ٹرانسپورٹ کی سہولت فراہم کی جا ئے گی : پروفیسر ڈاکٹر اصغر زیدی

بدھ 23 ستمبر 2020 20:53

لاہور (اُردو پوائنٹ اخبارتازہ ترین - آن لائن۔ 23 ستمبر2020ء) گورنمنٹ کالج یونیورسٹی لاہور کے لیے تاریخی دن،یونیورسٹی کے چار سو ایکڑ پر محیط نئے کیمپس میں تعلیمی سرگرمیوں کا آغازکر دیا گیا۔وائس چانسلر پروفیسر ڈاکٹر اصغرزیدی نے کلاسسز کا دورہ کیا۔ پہلے روز ذوالوجی، باٹنی، کیمسٹری، بائیوٹیکنالوجی، فزیکل ایجوکیشن اورسائیکالوجی سمیت آٹھ مختلف شعبہ جات کے طلباء نے نئے کیمپس میں کلاسز پڑھی ۔

(جاری ہے)

اس موقع پر وائس چانسلر پروفیسر اصغر زیدی کا کہنا تھا کہ پہلے روز نئے کیمپس میں کلاسیں پڑھنے والے طلباء تاریخ کا حصہ بنے،نئے کیمپس میں صبح 9 سے دوپہر 1 بجے تک کلا سز ہو نگی،طلباء کو ٹرانسپورٹ کی سہولت فراہم کی جا ئے گی۔وائس چانسلر کا مزید کہنا تھا کہ ابتدائی طور پر طلباء دونوں کیمپسز میں کلاسز اور ریسرچ لیبارٹریز سے استفادہ حاصل کرینگے، نئے کیمپس کے مکمل آباد ہونے تک یہاں کلاسز صرف دن میں ہوا کریں گی۔انہوں نے کہا کہ امید ہے اگلے سال تک کیمپس کا ہاسٹل اور ایڈمن بلاک بھی مکمل طور پر فعال ہو جائیں گے اورپی سی ون کے مکمل ہونے کے بعد یہاں 2 ہزار سے زائد طلباء تعلیم حاصل کر سکیں گے۔