مریم نوازکی ایلیٹ فورس کے یونیفارم کی ویڈیوزوائرل

جمعہ 17 مئی 2024 23:05

لاہور (اُردو پوائنٹ اخبارتازہ ترین - این این آئی۔ 17 مئی2024ء) وزیراعلی پنجاب مریم نواز کی جانب سے ایلیٹ فورس کا یونیفارم پہننے کی تصاویر اور ویڈیوز وائرل ہوگئیں۔مریم نواز نے 17 مئی کو پنجاب کے دارالحکومت لاہور میں ایلیٹ فورس کی پاسنگ آئوٹ پریڈ کی تقریب میں شرکت کی، جہاں انہوں نے فورس کا یونیفارم بھی پہنا۔

(جاری ہے)

مریم نواز نے ایلیٹ فورس کا یونیفارم پہننے کے بعد بعد نہ صرف سلامی دی بلکہ اسلحہ بھی چلانے کی مشق کی اور انہوں نے ایلیٹ فورس کے اعلی عہدیداروں کے ساتھ تقریب اور پاس آئوٹ ہونے والے اہلکاروں کا معائنہ بھی کیا۔

مریم نواز نے ایلیٹ فورس کی پاسنگ آئوٹ پریڈ کی تقریب سے خطاب کرتے ہوئے پولیس کی خدمات کو سراہتے ہوئے خواتین اہلکاروں کی مشکلات کا بھی ذکر کیا۔بعد ازاں وزیر اعلی پنجاب خواتین اہلکاروں کے ساتھ گھل مل گئیں اور ان کی جانب سے خواتین کانسٹیبلز کے ساتھ ملنے اور ان کے ساتھ ویڈیوز بنوانے کی ویڈیوز بھی وائرل ہوگئیں۔مریم نواز کی جانب سے اسلحہ چلانے کی مشق کی تصاویر بھی وائرل ہوگئیں جبکہ پاکستان مسلم لیگ (ن)کے آفیشل انسٹاگرام پیج پر بھی وزیر اعلی پنجاب کی تصاویر اور ویڈیوز شیئر کی گئیں۔