بجلی چوروں کیخلاف آپریشن جاری، پکڑے گئے ملزمان کی تعداد 84ہزار سے تجاوز کر گئی

لاہور (اُردو پوائنٹ اخبارتازہ ترین - این این آئی۔ 24 مئی2024ء) وزارت توانائی پاور ڈویڑن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی انسداد بجلی چوری مہم کامیابی کے ساتھ جاری ہے۔انسداد بجلی چوری مہم کو243روز مکمل ہوگئے ہیں، اس دوران کل84ہزار61ملزمان بجلی چوری میں ملوث پائے گئے،77ہزار55سو5ملزمان کیخلاف مقدمات درج کروا کر32ہزار8سو11ملزمان کو گرفتار کرلیا گیا۔

بجلی چوروں کو اب تک 9کروڑ81لاکھ96ہزار8سو60یونٹس چارج کئے گئے ہیں جن کی مالیت 3 ارب 57کروڑ82لاکھ28ہزار3سو17روپے ہے۔ گزشتہ 24گھنٹوں کے دوران ریجن بھر میں5ملزمان کو بجلی چوری کرتے ہوئے گرفتار کرلیا، مجموعی طور پر 444 ملزمان بجلی چوری میں ملوث پائے گئے، جن میں سی150کے خلاف مقدمات درج ہوچکے ہیں۔

(جاری ہے)

پکڑے جانے والے کنکشنز میں 11کمرشل،3زرعی اور 430 ڈومیسٹک تھے۔

تمام کنکشنز منقطع کرکے ان کو2لاکھ88ہزار4سو24یونٹس ڈٹیکشن بل کی مد میں چارج کئے گئے ہیں جن کی مالیت 90لاکھ76 ہزار 19 روپے ہے۔ بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔ ان تمام کے کنکشنز بھی منقطع کئے گئے اوران کو ڈٹیکشن یونٹس چارج کئے گئے۔کھڈیاں کے علاقے میں کنکشن کو2لاکھ 15ہزارروپے،ملت پارک کے علاقے میں کنکشن کو2لاکھ روپے، گڑھی شاہو کے علاقے میں ایک ملزم کو 1لاکھ 50ہزارروپے اورمصطفی آباد میں ملزم کو 1لاکھ 48ہزار روپے کی رقم چارج کی گئی ہے۔