صوبائی وزیرملک صہیب احمد بھرتھ کی زیرصدارت شاہراہوں کی تعمیر کا جائزہ اجلاس

مری ایمپروئمنٹ پلان، سیالکوٹ وزیرآباد روڈ اور سرگودھا بائی پاس کی تعمیر پر صوبائی وزیر کو بریفنگ

جمعہ 26 اپریل 2024 17:00

لاہور (اُردو پوائنٹ اخبارتازہ ترین - این این آئی۔ 26 اپریل2024ء) صوبائی وزیر تعمیرات و مواصلات ملک صہیب احمد بھرتھ کی زیر صدارت شاہراہوں کی تعمیر کا جائزہ اجلاس منعقد ہوا۔ اجلاس میں مری ایمپروئمنٹ پلان، سیالکوٹ وزیرآباد روڈ اور سرگودھا بائی پاس کی تعمیر پرصوبائی وزیر کو بریفنگ دی گئی۔ صوبائی وزیر ملک صہیب احمد بھرتھ نے اس موقع پر بتایا کہ وزیر اعلی پنجاب مریم نواز شریف کی ہدایت پر مری کو پیچ فری بنانے کے منصوبہ پر کام جاری ہے۔

مری میں 14 شاہراہوں کو پیچ فری کیا جا رہا ہے۔

(جاری ہے)

اگلے ماہ تک 14 شاہراہوں کو پیچ فری منصوبہ کو مکمل کیا جائے۔ انہوں نے کہا کہ 37 کلومیٹر سیالکوٹ وزیر آباد شاہراہ کی تعمیر پر کام جاری ہے۔وزیر آباد، سیالکوٹ کو لاہور سیالکوٹ موٹروے اور سیالکوٹ ڈرائی پورٹ سے ملائے گی۔ تین ماہ تک اس پروجیکٹ کو مکمل کیا جائے۔ صوبائی وزیر کا کہنا تھا کہ 31 کلومیٹر سرگودھا بائی پاس تعمیر پر کام جاری ہے۔بائی پاس کی تعمیر سے روزانہ سات ہزار گاڑیوں کو فائدہ ہوگا۔سرگودھا، فیصل آباد، خوشاب، میانوالی، بنوں بھلوال جانے والی ٹریفک کو فائدہ ہوگااور ماہ جون تک اس پروجیکٹ کو مکمل کیا جائے۔