خواتین کیلئے ڈرائیونگ سکول قائم

کار، موٹرسائیکل چلانے کی تربیت دی جائیگی

ہفتہ 18 مئی 2024 15:55

لاہور (اُردو پوائنٹ اخبارتازہ ترین - این این آئی۔ 18 مئی2024ء) وزیر اعلیٰ پنجاب مریم نواز کا خواتین کو بااختیار اور خود مختار بنانے کا مشن، آبشار ڈرائیونگ سکول جیل روڈ پر خواتین کے لئے ڈرائیونگ سکول قائم کردیا جہاں صبح سے شام تک کلاسسز جاری رہیں گی۔اس حوالے سے سی ٹی او لاہور عمارہ اطہر نے آگاہ کیا کہ آبشار ڈرائیونگ سکول جیل روڈ پر خواتین کو کار،موٹرسائیکل اور سکوٹی چلانے کی تربیت دی جارہی ہے۔

(جاری ہے)

لاہور ٹریفک پولیس کا خواتین کے لئے رائیڈ فار چینج پروگرام بھی جاری،رائیڈ فار چینج کے تحت مختلف یونیورسٹیز، کالجز میں سکوٹی ٹریننگ دی جارہی ہے۔ وویم آن ویلز پروجیکٹ کے تحت کالجز اور یونیورسٹیز میں بھی ڈرائیونگ کیمپس لگائے جارہے ہیں۔ وویمن آن ویل پروجیکٹ کے تحت خواتین کو موٹر سائیکل چلانے کی فری تربیت دی جا رہی ، خواتین بااختیار ہونگی تومعاشرے میں واضح تبدیلی آئیگی ہے۔ وومن آن ویلز پروجیکٹ اور رائیڈ فار چینج پروگرام کا مقصد خواتین کو زیادہ پر اعتماد اور خود مختار بنانا ہے،معاشرتی اورسماجی ترقی کیلئے مردوں کے ساتھ ساتھ خواتین کا کرداربہت اہمیت کا حامل ہے۔