خواتین کو بااختیار اور خود اعتماد بنانے کا مشن

لاہور (اُردو پوائنٹ اخبارتازہ ترین - این این آئی۔ 22 مئی2024ء) وزیر اعلی پنجاب مریم نواز کے خواتین کو بااختیار اور خود مختار بنانے کے مشن کے تحت خواتین کو موٹرسائیکل، کار ڈرائیونگ سیکھانے کے لئے 04 ڈرائیونگ سکول قائم کر دیئے گئے ۔ چیف ٹریفک آفیسر لاہور عمارہ اطہر نے بتایا کہ آبشار ڈرائیونگ سکول جیل روڈ، وویمن آن ویل سکول ایل او ایس فیروز پور روڈ قائم، لبرٹی خدمت مرکز اور مناواں ٹریفک لائنز میں ڈرائیونگ سکولز قائم کیے گئے ۔

خواتین کی سہولت کے لئے صبح 08بجے سے شام 04 بجے تک کلاسسز جاری ہیں۔ انہوں نے بتایا کہ ڈرائیونگ سکولز میں خواتین کو وویمن ٹو وویمن سروس فراہم کی جارہی ہے، ڈرائیونگ کورس میں خواتین کو الیکٹریکل و مکینیکل ورک بارے بھی تفصیلی ٹرینڈ کیاجارہا ہے۔

(جاری ہے)

لاہور ٹریفک پولیس کا خواتین کیلئے رائیڈ فار چینج پروگرام بھی جاری ہے ، رائیڈ فار چینج کے تحت مختلف یونیورسٹیز،کالجز میں سکوٹی ٹریننگ دی جارہی ہے۔

عمارہ اطہر نے کہا کہ وویم آن ویلز پروجیکٹ کے تحت کالجز اور یونیورسٹیز میں بھی ڈرائیونگ کیمپس لگائے جارہے ہیں، وویمن آن ویل پروجیکٹ کے تحت خواتین کو موٹر سائیکل چلانے کی فری تربیت دی جا رہی ہے،خواتین بااختیار ہونگی تومعاشرے میں واضح تبدیلی آئیگی ہے، ہمارا مقصد خواتین کو زیادہ پراعتماد، بااختیار اور خود مختار بنانا ہے، معاشرتی اور سماجی ترقی کیلئے مردوں کے ساتھ ساتھ خواتین کا کرداربہت اہمیت کا حامل ہے۔