وزیراعلیٰ مریم نوازسے شذرامنصب اور عابد رضا کوٹلہ کی ملاقات،ترقیاتی امور پر تبادلہ خیال، مہنگائی سے ریلیف پر وزیر اعلیٰ کو خراج تحسین

لاہور(اُردو پوائنٹ اخبارتازہ ترین - آن لائن۔ 24 مئی2024ء) وزیر اعلیٰ پنجاب مریم نوازشریف سے رکن قومی اسمبلی شذرامنصب اورسابق ایم این اے چوہدری عابد رضا کوٹلہ نے ملاقات کی جس میں ننکانہ صاحب اور گجرات کے ترقیاتی امور پر تبادلہ خیال کیا گیا۔ ملاقات میں ننکانہ صاحب اور گجرات کے پراجیکٹس پر گفتگوکی گئی اور وزیر اعلیٰ مریم نوازشریف کو عوامی مسائل سے آگاہ کیا گیا۔

وزیر اعلیٰ مریم نوازشریف نے عوامی مسائل کے حل کی یقین دہانی کرائی۔ رکن قومی اسمبلی شذرامنصب اورسابق ایم این اے چوہدری عابد رضا کوٹلہ نے مہنگائی سے ریلیف کی کاوشوں پر وزیر اعلیٰ مریم نوازشریف کو خراج تحسین پیش کیا۔ وزیر اعلیٰ مریم نوازشریف نے کہا کہ عوامی فلاح و بہبود کا ہر سیکٹر میری ترجیح ہے۔

(جاری ہے)

عوام کے مسائل کا حل ہر صورت یقینی بنائیں گے۔

صوبے بھر میں سالڈ ویسٹ مینجمنٹ اور لینڈ فل سائٹس قائم کی جائیں گی۔ انہوں نے کہا کہ مسائل کا حل اور ترقی عوام کا حق ہے، کسی کا احسان نہیں۔صوبے بھر میں 2500بنیادی مراکز صحت اور 300دیہی مراکز صحت کی ری ویمپنگ کی جارہی ہے۔وزیر اعلیٰ مریم نوازشریف نے کہا کہ اضلاع کے ہسپتالوں میں کارڈیالوجی اور پیڈز کے جدید ترین یونٹ قائم کریں گے۔ہر ضلع میں علاج کی بہترین سہولتوں کی فراہمی یقینی بنائیں گے تاکہ کسی کو علاج کے لئے دوسرے شہرمیں نہ جانے پڑے۔ معاون خصوصی ذیشان ملک بھی موجود تھے۔