وزیراعظم یوتھ ٹیلنٹ ہنٹ پروگرام،پشاوراور مردان کے کھلاڑی بازی لے گئے

پیر 22 اپریل 2024 20:55

پشاور(اُردو پوائنٹ اخبارتازہ ترین - این این آئی۔ 22 اپریل2024ء) وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کے تیسرے دن بھی متعدد میچز کا انعقاد ہوا اس موقع پر صوبائی ٹیبل ٹینس ایسوسی ایشن کے نائب صدر کفایت اللہ‘ڈائریکٹر سپورٹس اسلامیہ کالج پشاور یونیورسٹی وآرگنائزنگ سیکرٹری علی ہوتی، فیمیل کوچز سائرہ، آمنہ اور ایچ ای سی آفیشلز اویس سمیت دیگراہم شخصیات موجود تھیں۔

(جاری ہے)

مینزمقابلوں میں پشاورریجن نے سوات کو تین صفر سے شکست دے دی پشاور کے عثمان احمد‘عبید شاہ اور ہارون احمد نے اپنے میچ جیت لئے‘مردان نے بنوں ریجن کو ایک کے مقابلے میں تین میچوں سے شکست دے دی‘مردان کے جواد اور حمزہ نے میچ جیت لئے‘گرلز مقابلوں میں مردان نے بنوں کے خلاف تین صفر سے کامیابی حاصل کی‘مردان کی حبائاقبال‘حوریہ اور حیائنور نے اپنے میچ جیت لئے دوسری طرف پشاور کی ٹیم نے سوات کو تین صفر سے شکست دی‘پشاور کی علیشباہ‘ زینب اور سفیرہ نے اپنے میچ جیت لئے‘وزیراعظم یوتھ ٹیلنٹ ہنٹ ٹیبل ٹینس لیگ کی اختتامی تقریب آج 23 اپریل کو صبح گیارہ بجے پشاور سپورٹس کمپلیکس میں منعقد کی جارہی ہے جس کے لئے انتظامات مکمل کر لئے گئے ہیں۔