قوم نااہل حکمرانوں سے جان چھڑانا چاہتی ہے ،عرفان آفریدی

منگل 12 نومبر 2019 00:01

ٓپشاور(اُردو پوائنٹ اخبارتازہ ترین - آن لائن۔ 11 نومبر2019ء) پیپلزیوتھ آرگنائزیشن کے صوبائی ڈپٹی انفارمیشن سیکرٹری عرفان آفریدی نے کہاہے کہ اب ملک اور قوم کی بہتری اسی میں ہے کہ ان نااہل حکمرانوں سے جان چھڑائیں جائیں تبدیلی کے علمبردار بھی آج تبدیلی سرکاری ست اکتا گئی ہیں۔

(جاری ہے)

اپنے ایک بیان میں انہوں نے کہاکہ ملک مہنگائی کی آگ میں جل رہاہے اور عمران خان چھین کی بانسری بجارہاہے پی ٹی آئی کی سلکٹ حکومت نے ایک سال کے دوران پاکستانیوں کاجیناحرام کردیاہے اشیاء ضروریہ کی قیمتیں آسمان کو چھورہی ہے اس وقت ملک میں معاشی بحران ہے اورآئی ایم ایف کی شرائط پر چلنے والے یہ حکمران غریبوں انکے منہ کاآخری نوالہ بھی چھین رہے ہیں موجودہ حکومت کٹھ پتلی حکومت جادوٹونے سے چل رہی ہے ملک کی تاریخ میں اس طرح کی بدتراورنااہل حکومت نہیں دیکھی۔

انہوں نے مزید کہاکہ حکومت ڈاکٹرزکی ہدایات کے باوجود آصف زرداری کی زندگی کے ساتھ کھیل رہی ہے لہٰذا حکومت ہوش سے کام لے، پھر ایسا نا ہوحکومت انتقام کی آگ میں خود ہی جل جائے۔