معاون خصوصی برائے ٹیکنیکل ایجوکیشن طفیل انجم کا یونیورسٹی آف ٹیکنالوجی نوشہرہ کا ایک روزہ دورہ

پشاور (اُردو پوائنٹ اخبارتازہ ترین - اے پی پی۔ 01 اگست2025ء) خیبرپختونخوا میں فنی تعلیم کو فروغ دینے کے لیے وزیر اعلیٰ کے معاون خصوصی برائے فنی تعلیم طفیل انجم نے شہدائے اے پی ایس یونیورسٹی آف ٹیکنالوجی، نوشہرہ میں دو نئی، جدید ترین سہولیات کا افتتاح کیا۔ معاون خصوصی طفیل انجم کا استقبال وائس چانسلر پروفیسر ڈاکٹر سعید بادشاہ اور یونیورسٹی کے سابق وائس چانسلر پروفیسر ڈاکٹر عمران خان نے کیا۔

(جاری ہے)

اپنے دورے کے دوران انہوں نے یونیورسٹی کی مالیاتی صحت اور تعلیمی پیش رفت کا جائزہ لیا اور ان کے کام پر اطمینان کا اظہار کیا۔ انہوں نے کہاکہ نئی قابل تجدید توانائی کی لیبارٹری اور الیکٹریکل مشینوں کی لیبارٹری طلباء کو ان اہم شعبوں میں عملی تجربہ فراہم کرے گی۔ انہوں نے ان اداروں کے لئے 2025-26 کے بجٹ کو منظور کرانے میں اپنے مکمل تعاون کا وعدہ بھی کیا ۔ آفس آف ریسرچ، انوویشن، اینڈ کمرشلائزیشن (ORIC) کے دورے سے انہیں جدید تحقیقی منصوبوں کو دیکھنے کا موقع ملا جبکہ انہوں نے یونیورسٹی کے فیکلٹی اور طلباء کی کامیابیوں کو سراہا۔