بلوچستان حکومت نے اپنے ہی سپیکر کے خلاف عدم اعتماد کااظہارکر دیا

بلوچستان حکومت کا اپنے سپیکر بلوچستان اسمبلی پر جانبداری کا الزام، حکومتی و اتحادی جماعتوں نے سپیکر کی جانب سے بلائے گئے اجلاس میں شرکت نہ کرنے کا اعلان کر دیا، ذرائع

Danish Ahmad Ansari دانش احمد انصاری اتوار 20 جون 2021 19:41

بلوچستان حکومت نے اپنے ہی سپیکر کے خلاف عدم اعتماد کااظہارکر دیا
کوئٹہ (اُردو پوائنٹ، اخبار تازہ ترین، 20جون 2021۔) بلوچستان حکومت کا اپنے سپیکر بلوچستان اسمبلی پر جانبداری کا الزام، حکومتی اتحادی جماعتوں نے اپنے سپیکر کے خلاف عدم اعتماد کا اظہار کر دیا، حکومتی و اتحادی جماعتوں نے سپیکر کی جانب سے بلائے گئے اجلاس میں شرکت نہ کرنے کا اعلان کر دیا۔ تفصیلات کے مطابق بلوچستان حکومت نے اپنے سپیکر کیخلاف عدم اعتماد کااظہارکردیا،حکومت میں شامل اتحادیوں نے سپیکر بلوچستان اسمبلی پر جانبداری کاالزام عائد کردیا۔

تفصیلات کے مطابق وزیراعلیٰ بلوچستان جام کمال سے حکومتی و اتحادی جماعتوں کے ارکان نے ملاقات کی، ملاقات میں بی این پی(عوامی)،ایچ ڈی پی، پی ٹی آئی، جے ڈبلیو پی اور بی اے پی کے ارکان نے شرکت کی،وزیراعلیٰ سے ملاقات میں ڈپٹی سپیکر بلوچستان اسمبلی بھی شریک ہوئے ،ملاقات میں اپوزیشن کی جانب سے ہنگامہ آرائی سمیت دیگر اہم امور پر تبادلہ خیال کیاگیا۔

(جاری ہے)

اتحادی جماعتوں کے ارکان نے اسمبلی میں رونما ہونے والے واقعہ پر شدید تحفظات کااظہار کیا،اتحادی ارکان کاکہناتھا کہ اپوزیشن کے رویے سے پورے ایوان کا استحقاق مجروح ہوا ہے ،ملاقات میں حکومتی و اتحادی جماعتوں نے سپیکر کی جانب سے بلائے گئے اجلاس میں شرکت نہ کرنے پر اتفاق کیا۔اتحادی ارکان کاکہناتھا کہ سپیکر اپنا کردار بہتر اور ذمہ دارانہ انداز میں ادا کرتے تو یہ نوبت نہ آتی، حکومتی ارکان نے کہاکہ سپیکر اسمبلی کے غیر ذمہ دارانہ رویہ سے یہ صورتحال پیدا ہوئی۔

وزیراعلیٰ جام کمال نے کہاکہ پارلیمنٹ کی بالادستی ہم سب کی مشترکہ ذمہ داری ہے،بلوچستان کی تاریخ میں ایسا واقعہ رونما نہیں ہوا، اس واقعہ کی ہم سب شدید الفاظ میں مذمت کرتے ہیں ۔وزیراعلیٰ بلوچستان نے کہاکہ جس ایوان پر ہم سب کو فخر ہے اس کے تقدس کو اپوزیشن نے پامال کیا،اس معاملے کو بلوچستان عوامی پارٹی کی سطح پر اٹھائیں گے۔

کوئٹہ شہر میں شائع ہونے والی مزید خبریں:

Your Thoughts and Comments