راولپنڈی،اے ایس آئی کی جانب سے اختیارات کے غلط استعمال پر سی پی او کا نوٹس، ریٹائرڈ اے ایس آئی کیخلاف مقدمہ درج

ہفتہ 16 جنوری 2021 18:23

راولپنڈی (اُردو پوائنٹ اخبارتازہ ترین - این این آئی۔ 16 جنوری2021ء) اے ایس آئی کی جانب سے اختیارات کے غلط استعمال پر سی پی او کا نوٹس، ریٹائرڈ اے ایس آئی کے خلاف مقدمہ درج کرلیاگیا،نصر حیات کو قبل ازیں ایک محکمانہ انکوائری میں سزا کے طور پر جبری ریٹائر کیا گیا تھا۔

(جاری ہے)

تفصیلات کے مطابق اے ایس آئی نصر حیات کی جانب سے اختیارات کے غلط استعمال پر سٹی پولیس آفیسر محمد احسن یونس نے واقعہ کا نوٹس لیتے ہوئے ریٹائرڈ اے ایس آئی کے حقائق سامنے آنے پر تھانہ ائرپورٹ پولیس کو مقدمہ درج کرنے کا حکم دیا،نصر حیات اے ایس آئی (ریٹائرڈ) نے جعلی کاغذات تیار کر کے منڈی بہاؤ الدین کے قتل کے مقدمہ میں نامزد ملزمان کو فائدہ پہنچایا،نصر حیات کو قبل ازیں ایک محکمانہ انکوائری میں سزا کے طور پر جبری ریٹائر کیا گیا تھا، ایس پی پوٹھوہار سید علی نے کہاکہ نصر حیات کو مقدمہ میں گرفتار کر کے ٹھوس شواہد کے ساتھ چالان کیا جائے گا،سی پی اومحمد احسن یونس کا کہناتھاکہ راولپنڈی پولیس خود احتسابی اور شفافیت پر یقین رکھتی ہے، سرکاری اختیارات ایک امانت ہے جس میں خیانت ناقابل برداشت ہے۔