سی پی اوراولپنڈی کی زیر صدارت پولیس لائنز ہیڈکوارٹرز میں کرائم میٹنگ ،افسران کی کارکردگی کا جائزہ لیا

راولپنڈی(اُردو پوائنٹ اخبارتازہ ترین - این این آئی۔ 16 مئی2024ء) سٹی پولیس آفیسر سید خالد ہمدانی کی زیر صدارت پولیس لائنز ہیڈکوارٹرز میں کرائم میٹنگ کا انعقاد کیاگیا،میٹنگ میں ایس ایس پی انوسٹی گیشن زنیر ہ اظفر ،ایس ایس پی آپریشنز فلائٹ لیفٹیننٹ (ر) حافظ کامران اصغر،ایس پی سی آئی اے بینش فاطمہ، ڈویژنل ایس پیز، ایس ڈی پی اوز ، ڈی ایس پیز انوسٹی گیشن ، ڈی ایس پیز آرگنائزڈ کرائم ،ایس ایچ اوز اور انچارج برانچز سمیت دیگر افسران نے شرکت کی ،سی پی او سید خالد ہمدانی نے افسران کی فرداً فرداً کارکردگی کا جائزہ لیا، سی پی اوسید خالدہمدانی نے کہاکہ15کالز پر فوری ریسپانس اور 1787پر موصول ہونے والی شکایات کے بروقت ازالہ کو یقینی بنائیں،ایف آئی آر کے بروقت اندراج کو یقینی بنائیں غفلت و لاپرواہی کسی صورت برداشت نہیں کی جائے گی ، ایس ڈی پی اوز قتل اورسنگین مقدمات کی تفتیش کی خود نگرانی کریں،تفتیش میں پائے جانے والے نقائص کو دور کریں، مقدمات کو میرٹ پر یکسو کرتے ہوئے بروقت چالان مرتب کریں ، کار اور موٹرسائیکل چوری کی روک تھام کے لیے موثر اقدامات کیے جائیں ، منشیات فروشوں کے خلاف کریک ڈائون اچھا رہا ، اسے بہتر کرنے کے لیے کریک ڈاؤن میں مزید تیزی لائیں ،خواتین اور بچوں پر تشدد، زیادتی اور ہراسمنٹ جیسے واقعات ناقابل برداشت ہیں، سی پی اوسید خالدہمدانی نے ایس پی سی آئی اے ،ایس ڈی پی اوسٹی اور ایس ڈی پی اوکینٹ کو بہترین کارکردگی کا مظاہرہ کرنے پر تعریفی لیٹر سے نوازا،سی پی اوسید خالدہمدانی نے ایس ایچ اوروات اورسی آئی اے ٹیم کو اغواء برائے تاوان کے گینگ کے خلاف بہادری سے مقابلہ کرنے پر تعریفی سرٹیفکیٹ اورنقد انعام سے نوازا،ایس ایچ اوآراے بازار اورپولیس ٹیم کو اغواء برائے تاوان کے ملزمان کی گرفتاری پر تعریفی سرٹیفکیٹ اورنقد انعام سے نوازا،ایس ایچ اوٹیکسلا اورپولیس ٹیم کو ڈکیتی معہ قتل کے مقدمات میں ملزمان کی گرفتاری پر تعریفی سرٹیفکیٹ اورنقد انعام سے نوازا،ایس ایچ اوکلرسیداں اورپولیس ٹیم کو انتہائی مطلوب اشتہاری مجرم کے خلاف بہادری سے مقابلہ کرنے پر تعریفی سرٹیفکیٹ اورنقد انعام سے نوازا،سی پی اوسید خالدہمدانی نے ایس پی سی آئی اے بینش فاطمہ کو بہترین کارکردگی پر آفیسر آف دی منتھOFFICER OF THE MONTH) (قرار دیا ، میٹنگ کے تمام شرکاء نے کھڑے ہوکر ایس پی سی آئی اے بینش فاطمہ کو بہتر ین کارکردگی پر داد تحسین پیش کی۔