کمشنر راولپنڈی ڈویژن انجینئر عامر خٹک کی زیر صدارت غیر قانونی ہاؤسنگ سکیمز کے حوالے سے اجلاس

جمعہ 17 مئی 2024 18:10

راولپنڈی (اُردو پوائنٹ اخبارتازہ ترین - اے پی پی۔ 17 مئی2024ء) کمشنر راولپنڈی ڈویژن انجینئر عامر خٹک کے زیر صدارت غیر قانونی ہاؤسنگ سکیمز کے حوالے سے اجلاس ہوا۔اجلاس میں راولپنڈی ڈویلپمنٹ اتھارٹی اور محکمہ فوڈ کی جانب سے روزانہ کی کارکردگی پر بریفنگ دی گئی۔اجلا س میں کمشنر راولپنڈی نے کہا کہ غیر قانونی ہاؤسنگ سوسائٹیز کے خلاف بلا امتیاز کاروائیاں مزید تیز کیں جائیں۔

آر ڈی اے نہ فیور نہ ٹارگٹ، صرف میرٹ کے اصول کو مدنظر رکھے۔

(جاری ہے)

کمشنرنے کہا کہ غیر قانونی ہاؤسنگ سوسائیٹز نہ صرف معصوم عوام کی محنت کی کمائی کو داؤ پر لگاتے ہیں بلکہ ماحولیاتی تباہی کا باعث بھی بنتے ہیں۔عوام کو کھانے پینے کی معیاری اشیاء فراہم کرنے کے لئے فوڈ ڈیپارٹمنٹ اپنی چیکنگ مزید بہتر کرے۔ کھانے پینے کی جگہوں پر صفائی اور حفظان صحت کے اصولوں پر عمل یقینی بنایا جائے۔ جبکہ بریفنگ میں بتا یا گیا کہ آرراولپنڈی میں 635 ہاؤسنگ سکیمزہیں۔ 104 ہاؤسنگ سکیمز منظور شدہ, 96انڈر پروسیس جبکہ باقی کے خلاف کاروائی جاری ہے۔ یکم مئی 2024 سے اب تک محکمہ فوڈ کی طرف سے 1998چھاپوں کے دوران 864کو امپروومنٹ نوٹس، 53 لاکھ 62 ہزار کا جرمانہ عائد،02 ایف آئی آرز رجسٹر کی جا چکی ہیں۔