پاکستان سمیت دنیا بھر میں اساتذہ کی عظمت کا عالمی دن ’’ ورلڈ ٹیچرز ڈے ‘‘ 5اکتوبر کو منایا جائے گا

ٹھٹھہ صادق آباد(اُردو پوائنٹ اخبارتازہ ترین - این این آئی۔ 25 ستمبر2019ء) پاکستان سمیت دنیا بھر میں اساتذہ کی عظمت کا عالمی دن ’’ ورلڈ ٹیچرز ڈے ‘‘ 5اکتوبر کو منایا جائے گا اس دن کی مناسبت سے ملک بھر میں تقریبات کا اہتمام کیا جائے گا ۔قومی اخبارات اساتذہ کرام کی اہمیت کے حوالے سے خصوصی مضامین شائع کریں گے جبکہ الیکٹرانک میڈیا سے بھی خصوصی رپورٹس نشر ہونگی۔

(جاری ہے)

ورلڈ ٹیچرز ڈے ہر سال 5اکتوبر کو پاکستان سمیت دنیا بھر میں100 سے زائد ممالک میں منایا جاتا ہے بعض ممالک میں اس دن کی اہمیت کے پیش نظر تعطیل بھی کی جاتی ہے دنیا بھر میں اساتذہ تنظیمیں یہ دن اہتمام سے مناتی ہیں اس دن کے منانے کا مقصد اساتذہ کو تعلیمی شعبوں میںمتحرک کرنے میں مدد فراہم کرنا اور اس امر کو یقینی بنانا ہے کہ اساتذہ مستقبل کے معماروںکی تعلیمی ضروریات کو جاری رکھیں گے۔ ’’ یونیسکو ‘‘ کے زیر اہتمام عالمی یوم اساتذہ 1994ء سے ہر سال باقاعدگی سے منایا جا رہا ہے ۔عالمی ٹیچرز ڈے اس عالی شان اظہار کی نمائندگی کرتا ہے جو کہ تعلیم کے میدان میں ترقی کیلئے اساتذہ کرام خدمات انجام دیتے ہیں۔