Hamla Khawateen Aur Kamar Ka Dard - Article No. 2897
حاملہ خواتین اور کمر کا درد - تحریر نمبر 2897
کمر کے درد سے بچنے کے لئے حاملہ خواتین کے بیٹھنے کا انداز بھی درست ہونا چاہیے
منگل 7 جون 2022
حمل کے دوران کمر میں درد کی شکایت عام ہے۔یہ ایک فطری عمل ہے،جس دوران خاتون جسمانی طور پر تبدیلیوں کے عمل سے گزرتی ہے،لہٰذا اس سے پریشان ہونے کی ضرورت نہیں۔ان تبدیلیوں میں ماں کا وزن بڑھنا،رحم میں بچے کا اضافی بوجھ،چلنے کے انداز اور ہارمونوں میں تبدیلی شامل ہے۔اس حقیقت کے باوجود کہ اس درد کا علاج کیے بغیر کوئی چارہ نہیں،حاملہ تقریباً نو ماہ خاموشی سے اس درد کو برداشت نہیں کر سکتی۔ذیل میں چند مفید مشورے اور ورزشیں بتائی جا رہی ہیں،جو آپ اپنے معالج کے مشورے سے کر سکتی ہیں۔
حاملہ خواتین جوتوں کا انتخاب کرتے ہوئے اس بات کا خاص خیال رکھیں کہ وہ اونچی ایڑی کے نہ ہوں۔ہلکے پھلکے اور ہموار ہوں،تاکہ ریڑھ کی ہڈی پر کم سے کم دباؤ پڑے۔
(جاری ہے)
پیٹ میں اضافی وزن کے باعث چلتے وقت زیادہ جھکاؤ آگے کی جانب ہوتا ہے،جس کی وجہ سے پیٹھ اور کمر کے پٹھوں پر دباؤ پڑتا ہے،اس لئے حاملہ خواتین چلتے وقت کوشش کریں کہ ان کا جسم سیدھا ہو،کولھے اندر کی طرف ہوں اور کندھے پیچھے اور نیچے کی جانب رہیں۔
کمر کے درد سے بچنے کے لئے حاملہ خواتین کے بیٹھنے کا انداز بھی درست ہونا چاہیے۔قالین پر بیٹھنا ہو تو آگے کی جانب زیادہ جھک کر نہ بیٹھیں۔اسی طرح کرسی پر بھی پیٹھ کو سہارا دے کر بیٹھنا چاہیے۔
وزنی اشیاء اور چھوٹے بچوں کو اُٹھانے سے گریز کریں۔اگر کوئی چیز اُٹھانا بہت ضروری ہو تو یہ دیکھ لیں کہ وہ بھاری نہ ہو۔اگر وہ چیز ہلکی پھلکی ہے تو اسے جھک کر اُٹھانے کے بجائے اپنی ایڑی کے بل بیٹھ کر اُٹھائیں،مگر اس بات کا خیال رکھیں کہ اُٹھتے وقت دباؤ کمر کے بجائے گھٹنوں پر پڑے۔اس کے علاوہ بیٹھے بیٹھے کسی چیز کو جھٹکے سے اپنی طرف نہ کھینچیں۔کمر کا درد دُور کرنے کے لئے مساج بہت اہمیت کا حامل ہے۔دس سے پندرہ منٹ تک گرم کپڑے سے سکائی کرنے سے بھی کمر کا درد کم ہو جاتا ہے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan