Naram O Mulaim Hont Ab Aap Ke Bhi - Article No. 2860
نرم و ملائم ہونٹ اب آپ کے بھی - تحریر نمبر 2860
ہونٹوں کو قدرتی طور پر دلکش اور گلابی بنانے کے لئے دودھ کی بالائی سے زیادہ موثر اور کوئی چیز نہیں
جمعرات 21 اپریل 2022
خاص طور پر سردیوں کے موسم میں ہونٹ سب سے زیادہ متاثر ہوتے ہیں اور انہیں اپنی اصلی حالت میں برقرار رکھنا نہایت مشکل ہوتا ہے،خواتین سردیوں میں ہونٹوں کو نرم و ملائم رکھنے کے لئے مختلف طریقے آزمانے کے ساتھ بازار میں فروخت ہونے والی سستی اور غیر معیاری لپ بام استعمال کرتی ہیں۔جو کچھ دیر تو کام کرتی ہیں پھر ان کا اثر ختم ہو جاتا ہے اور غیر معیاری پروڈکٹس استعمال کرنے کی وجہ سے ہونٹوں کا قدرتی گلابی رنگ بھی کالے یا بھورے رنگ میں تبدیل ہو جاتا ہے جس کی وجہ سے ہونٹ نہایت بدنما لگتے ہیں۔
(جاری ہے)
یہاں ہونٹوں کو قدرتی طور پر نرم،ملائم رکھنے اور ان کا رنگ گلابی کرنے کے چند طریقے پیش کیے جا رہے ہیں۔
لپ بام خریدتے وقت ہمیشہ اس بات کا خیال رکھیں کہ یہ معیاری ہونے کے ساتھ وٹامن سی سے بھرپور ہو،اس کے علاوہ لپ بام میں سورج کی شعاعوں سے محفوظ رکھنے والے اجزاء بھی شامل ہوں کیونکہ سورج کی تیز شعاعیں سب سے پہلے ہونٹوں کو متاثر کرتی ہیں جن سے ان کا رنگ کالا ہو جاتا ہے۔
ہونٹوں کو قدرتی طور پر دلکش اور گلابی بنانے کے لئے دودھ کی بالائی سے زیادہ موثر اور کوئی چیز نہیں،بالائی دیر تک ہونٹوں کو خشک موسم سے بچائے رکھتی ہے اور ہونٹوں کا قدرتی گلابی رنگ بحال کرنے میں بھی اہم کردار ادا کرتی ہے،وہ لوگ جن کے ہونٹوں کا رنگ قدرتی طور پر سیاہی مائل یا بھورا ہو انہیں چاہئے کہ بالائی کا استعمال باقاعدگی سے کریں۔
ہونٹوں پر پپڑی جمنے کی ایک اہم وجہ خشک ہوا میں سونا ہے،سرد اور خشک موسم میں ہونٹوں پر لپ بام یا بالائی لگائے بغیر سونے کے بہت بھیانک نتائج سامنے آتے ہیں،کیونکہ ہونٹ جب خشک ہوتے ہیں تو ہوا میں موجود بیکٹیریا ان پر حملہ کر دیتے ہیں جس کی وجہ سے ہونٹ پھٹ جاتے ہیں،لہٰذا سونے سے قبل ہونٹوں پر بالائی معیاری لپ بام اور موئسچرائزر لگائیں تاکہ بیکٹیریا حملہ نہ کر سکیں۔
ہونٹ جب خشک ہوتے ہیں تو کچھ لوگ ان پر بار بار زبان پھیرتے ہیں،یہ طریقہ غلط اور ہونٹوں کے لئے انتہائی مضر ہے،کیونکہ بار بار زبان پھیرنے سے ہونٹوں کا رنگ کالا ہو جاتا ہے،لہٰذا کوشش کریں کہ خشک موسم میں ہونٹوں کو ہمیشہ موئسچرائزر رکھیں اور زبان پھیرنے والی عادت کو ترک کر دیں۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan