Bache Angutha Kyun Chuste Hain - Article No. 3191
بچے انگوٹھا کیوں چوستے ہیں - تحریر نمبر 3191
نقصانات اور تدابیر
بدھ 13 ستمبر 2023
دودھ پیتے ننھے بچے انگوٹھا چوستے ہوئے بہت پیارے لگتے ہیں۔انگوٹھا چوسنے سے بچے کو راحت ملتی ہے،وہ اکیلا بور نہیں ہوتا۔ایک سال سے کم عمر کے بچوں کا بھوکا یا اکیلا ہونے پر انگوٹھا چوسنا کوئی عجیب بات نہیں ہے۔اندازہ ہے کہ 90 فیصد سے زائد بچے انگوٹھا چوستے ہیں۔اکثر بچے جوں جوں بڑے ہوتے ہیں،اس عادت کو چھوڑ دیتے ہیں۔ایک سروے کے مطابق تقریباً 46 فیصد بچے چار سال کی عمر تک انگوٹھا چوستے ہیں۔تقریباً چودہ فیصد چھ سال کی عمر تک اور چھ فیصد بچے گیارہ سال کی عمر تک اس عادت کو جاری رکھتے ہیں۔رحم مادر کے اندر بھی بعض بچے انگوٹھا چوسنا شروع کر دیتے ہیں۔
کچھ مطالعوں سے معلوم ہوا ہے کہ وہ بچے جو ماں کا دودھ پیتے ہیں،انگوٹھا چوسنے کے نسبتاً کم عادی ہوتے ہیں،کچھ بچے مخصوص اوقات میں انگوٹھا چوستے ہیں۔
(جاری ہے)
بچوں کی پھُرتی کا استعمال کیجئے
بچوں میں چُستی اور پھُرتی بھری ہوتی ہے۔اس کا استعمال ہونا ضروری ہے۔بعض ماہرین کہتے ہیں کہ اگر اس پھرتی کا استعمال نہیں ہو گا تب بھی بچہ انگوٹھا چوسنا شروع کر سکتا ہے۔چھوٹے بچوں کو کاغذ پینسل،رنگ،کھلونے بنانے کے لئے گندھی ہوئی مٹی دیجئے وہ بلاک بھی بنا سکتے ہیں۔ایسا کرنے پر وہ انگوٹھا چوسنا چھوڑ دیں گے لیکن اگر بچہ سونے سے پہلے یا بہت تھکا ہونے پر تھوڑی دیر کے لئے انگوٹھا چوستا ہے تو پھر اسے ایسا کرنے دینا چاہیے۔
کس عمر تک انگوٹھا چوسنا نارمل ہے
ماہرین کے نزدیک پانچ سال کی عمر ایسی ہے جس کی بعد بچوں کے اس مسئلے کے حل کے لئے کوشش کرنی چاہیے۔تاہم اس سلسلے میں اہم ترین بات یہ ہے کہ بچے کے دانتوں کو نقصان پہنچ رہا ہے یا نہیں اگر نقصان نہیں پہنچ رہا یا اتنا کم ہے کہ دانتوں کا ڈاکٹر آپ سے کہتا ہے کہ پریشانی کی کوئی بات نہیں تو انگوٹھا چوسنا چھڑوانے کی ارجنٹ ضرورت نہیں۔
انگوٹھا چوسنے کے نقصانات
قدرے بڑی عمر میں انگوٹھا چوسنے کی عادت تین بڑی خرابیوں کا سبب بن جاتی ہے۔پہلی یہ ہے کہ انگوٹھا چوسنے کی وجہ سے جراثیم پیٹ میں پہنچ جاتے ہیں۔اس کے علاوہ انگوٹھے کی ہیئت بھی بگڑ جاتی ہے۔انگوٹھا چوسنے والے بچوں میں ایگزیما جیسی بیماری پیدا ہونے کا بھی امکان ہو سکتا ہے۔
دوسری خرابی یہ ہے کہ اس سے بچے کے جبڑوں اور سر میں درد ہو جاتا ہے۔اس کی وجہ یہ ہے کہ انگوٹھا چوسنے سے جبڑوں پر بہت زور پڑتا ہے جو آخرکار درد کا سبب بن جاتا ہے۔بڑی عمر میں ایسے بچوں کے جبڑوں اور سر میں درد کی شکایت کے امکانات خاصے زیادہ ہوتے ہیں۔
تیسری خرابی یہ کہ انگوٹھا چوسنے سے بچوں کے دودھ کے دانت اور بعد ازاں دانتوں کے نکلنے اور ان کی نشوونما پر برے اثرات ہوتے ہیں۔
تدبیر
بچے کا چار یا پانچ سال تک انگوٹھا چوسنا کوئی بڑا مسئلہ نہیں سمجھا جاتا۔اس عمر تک بچے کو انگوٹھا،اُنگلی،ہاتھ منہ میں ڈالنے اور چوسنے پر ہر وقت روکنے کی ضرورت نہیں ہے۔بچے کا انگوٹھا چوسنا چھڑوانے کے لئے شاباشی والا رویہ اختیار کرنا چاہیے۔اگرچہ انگوٹھا نہ چوسے تو بچے کو خوب سراہا جائے۔
بچے پر ٹوکنز Tokens کے اثرات
ایک خوبصورت رنگ دار گتے کے چند چھوٹے چھوٹے مستطیل ٹکڑے کاٹ لیں انہیں ٹوکن کہیں۔والدین دن میں وقتاً فوقتاً بچے کو چیک کریں اگر وہ انگوٹھا نہیں چوس رہا تو ہر بار اسے ایک ٹوکن دیں۔بچے کو بتا دیں کہ ٹوکنز کی ایک خاص تعداد مثلاً پانچ ٹوکن ہونے پر اسے کوئی انعام ملے گا۔ابتداء میں ٹوکن جلدی جلدی اور زیادہ دیئے جائیں اسی طرح انعام بھی ٹوکنوں کی تعداد پر دیا جائے تاکہ بچے میں زیادہ ٹوکن حاصل کرنے کا شوق پیدا ہو۔اس کے علاوہ والدین کو چاہیے کہ وہ بچے کے انگوٹھے کو اس کے منہ سے نہایت آرام سے نکال کر اسے کسی دوسری طرف متوجہ کر دیں جس سے وہ کسی اور شغل میں مصروف ہو جائے۔بچے کو انگوٹھا چوسنا چھڑوانے کے لئے سختی سے منع کرنا بچے میں ضد کا سبب بن سکتا ہے۔
Browse More Child Care & Baby Care Articles
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
بچوں کی دیکھ بھال میں دادا دادی کا تعاون ماں کا ڈپریشن کم کرتا ہے
Bachon Ki Dekh Bhaal Mein Dada Dadi Ka Taawun Maa Ka Depression Kam Karta Hai
شیر خوار بچے اور ٹھوس غذا
Sheer Khawar Bache Aur Thos Ghiza
بچوں کا غصیلا رویہ اور بد مزاجی
Bachon Ka Ghuseela Rawaya Aur Bad Mizaji
بچے کی نشوونما میں کمی
Bache Ki Nashonuma Mein Kami
بچوں کو ٹھنڈ لگنے سے بچائیں
Bachon Ko Thand Lagne Se Bachaain
آٹزم
Autism
اٹیچمنٹ اسٹائل سائیکالوجی
Attachment Style Psychology
صحت مند عادات
Sehat Mand Aadaat
رمضان میں بچوں کا رکھیں زیادہ خیال
Ramzan Mein Bachon Ka Rakhain Ziada Khayal
بچوں سے کسے پیار نہیں
Bachon Se Kise Pyar Nahi
سفر میں بچوں کی صحت کا خیال رکھیں
Safar Mein Bachon Ki Sehat Ka Khayal Rakhain