بند کریں
خواتین مضامینگھریلو ٹوٹکےH2O2 کے کمالات

مزید گھریلو ٹوٹکے

پچھلے مضامین - مزید مضامین
H2O2 کے کمالات
ہائیڈروجن پرآکسائیڈ (Hydrogen Peroxide) جسے مختصر ” ایچ ٹواوٹو کہا جاتا ہے، مائع شکل میں ایک ایسا بے رنگ کیمیکل ہے، جسے نہ صرف جراثیم کش دوا بلکہ کچن میں ” بلیچنگ ایجنٹ“ کے طور پر بھی استعمال کیاجاتا ہے
ہائیڈروجن پرآکسائیڈ (Hydrogen Peroxide) جسے مختصر ” ایچ ٹواوٹو کہا جاتا ہے، مائع شکل میں ایک ایسا بے رنگ کیمیکل ہے، جسے نہ صرف جراثیم کش دوا بلکہ کچن میں ” بلیچنگ ایجنٹ“ کے طور پر بھی استعمال کیاجاتا ہے
چولھے پر جمے ہوئے چکنائی یاسالن وغیرہ کے پرانے داغ دھبے ہوں یا سبزیوں اور پھلوں کو جراثیم سے پاک کرنا ہوتو، ہائیڈروجن پر آکسائیڈ کااستعمال بہترین ہوتا ہے۔
ہائیڈروجن پر آکسائیڈ کو ہمیشہ گہری رنگ کی بوتل میں محفوظ کریں کیونکہ ہلکے رنگ کی بوتل میں یہ اپنی افادیت کھودیتی ہے۔
اسے استعمال کرنے سے پہلے ہاتھوں میں گلوز(Gloves) ضرور پہنیں ورنہ جلد کو نقصان پہنچ سکتا ہے۔
صفائی کی ابتداء چولھے سے کریں۔ چولھے اور اس کے برنرز(Burners) صاف کرنے کے لئے اس پر ہائیڈروجن پر آکسائیڈ اور ایمونیا کے محلول کاسپرے کرکے کم از کم ایک گھنٹے کے لئے پلاسٹک شیٹ سے ڈھانپ دیں تاکہ داغ اور جلنے کے نشانات اچھی طرح سے صاف ہوسکیں۔ اس کے بعد پلاسٹک ہٹاکر ” سکاچ برائیٹ“ سے رگڑ کر نشانات صاف کرلیں۔
ایک اور طریقہ یہ ہے کہ ایک پیالے میں بیکنگ سوڈ اور ہائیڈروجن پر آکسائیڈ ملا کر پلاسٹک کے چمچ سے مکس کرکے پتلا سا آمیزہ بنالیں اب اس آمیزے میں سپنج (Sponge) بھگو کر چولھا صاف کرلیں، ہلکے پھلکے داغ آسانی سے صاف ہوجائیں گے۔
کٹنگ بورڈ پر ہائیڈروجن پر آکسائیڈ گااچھی طرح سے سپرے کرکے کچھ دیر کے لئے چھوڑدیں۔ پھر اسے سپنج یا ململ کے کپڑے سے صاف کریں۔ گوشت اور سبزیوں وغیرہ کے براثیم مرجائیں گے اور کٹنگ بورڈ بھی ڈھل کر صاف ہوجائے گا۔
کچن میں استعمال ہونے والے سپنج کے ٹکڑوں کو جراثیم سے پاک کرنے کے لئے انہیں 15سے 30 منٹ تک ہائیڈروجن پر آکسائیڈ کے محلول میں بھگودیں۔
سبزیوں اور پھلوں کو دھونے سے پہلے ان پر ہائیڈروجن پر آکسائیڈ کا ہلکا سپرے کریں اور دو منٹ کے بعد کھلے پانی میں دھولیں۔ اس طرح ان پر لگی مٹی، گندگی اور جراثیم اچھی طرح صاف ہوجائیں گے۔
فریج صاف کرنے کے لئے بھی آپ ہائیڈروجن پر آکسائیڈ استعمال کرسکتی ہیں۔ فریج بند کرنے کے بعد تمام اشیاء باہر نکال کر اس کے اندر چاروں طرف سپرے کریں اور پھر تھوڑی دیر کے بعد کپڑے سے صاف کرلیں۔ داغ دھبے صاف ہونے کے بعد فریج اجلااجلا نظر آنے لگے گا اوراس کی بوبھی دور بھی ہوجائے گی۔
لنچ باکس (Lunch Box) اورواٹر کولر وغیرہ بھی ہائیڈروجن پر آکسائیڈ کے محلول سے صاف کیے جاسکتے ہیں۔ یہ محلول ان کی چکنائی ، بواور میل باآسانی صاف کردیتا ہے۔

(0) ووٹ وصول ہوئے