Jild Ki Hifazat O Negehdasht - Article No. 2370
جلد کی حفاظت و نگہداشت - تحریر نمبر 2370
چکنی جلد کی حامل خواتین کے لئے دن میں دو تین بار منہ دھونا بے حد ضروری ہو جاتا ہے ورنہ چہرے پر چکنائی کی باریک تہ نظر آنے لگتی ہے
جمعرات 18 جون 2020
یہ بات ذہن نشین کرلیں کہ آپ کی جلد چکنی ہو یا خشک یا پھر نارمل،صابن کا زیادہ استعمال آپ کی جلد کے لئے زہر قاتل کا درجہ رکھتا ہے۔ صابن چہرے سے نمی کھینچ لیتا ہے جس کے باعث جلد روکھی اور بے رونق لگتی ہے اور چھوٹی عمر میں ہی جھریاں ظاہر ہو جاتی ہیں۔صابن کا نعم البدل بیسن ہے ۔ایک پیالی بیسن میں ایک چائے کا چمچہ ہلدی اور چند گلاب کی پتیاں ملالیں۔
(جاری ہے)
ابٹن کا استعمال گزشتہ کئی برسوں سے حسن نکھارنے اور چہرے پر شادابی پیدا کرنے کے لئے کیا جارہا ہے ۔بازار سے مہنگی اور غیر معیاری کریم اور لوشن خرید کر انہیں اپنے چہرے پر بطور Experiment استعمال نہ کریں بلکہ اپنے حسن کو نکھارنے اور اسے مزید تا بناک بنانے کے لئے گھریلو نسخوں پر عمل کریں۔کیونکہ ان نسخوں کا کوئی منفی پہلو یا Side Effect نہیں ہوتا ہے لہٰذا یہ ہر دور میں بے حد مفید سمجھے گئے ہیں۔ہم آپ کو ابٹن بنانے کا ایک نہایت آسان طریقہ بتا رہے ہیں اسے ہر قسم کی جلد کی حامل خواتین وحضرات استعمال کر سکتے ہیں۔ خربوزے کے بیج ،سنگترے کے چھلکے،سونف اور جوکا آٹا،چاروں چیزیں ہم وزن لیں اور انہیں باریک پیس کر چہرے پر لیپ کریں۔ آدھے گھنٹے بعد منہ دھولیں۔گرمیوں میں جھلس جانے والی جلد کے لئے یہ ابٹن اکسیر کا درجہ رکھتا ہے۔
اگر آپ ورکنگ ویمن ہیں تو آپ کی جلد کو حفاظت کی زیادہ ضرورت ہے کیونکہ سورج کی تپش اور دھوپ کی شدت کے باعث جلد کملا جاتی ہے اور بے رونق نظر آتی ہے ۔یہ تھکاوٹ اور بے رونقی میک اپ کرنے کے باوجود نظر آتی ہے لہٰذا جلد کی مناسب نگہداشت کے لئے چوتھائی چمچہ کلونجی، دو چمچے دہی اور دو چمچے دودھ کو ملا کر آمیزہ تیار کرلیں اور اسے بیس (20) منٹ تک چہرے پر لگائے رکھیں۔یہ عمل آپ کی جلد کو نرم وملائم بنائے گا۔دھوپ سے متاثر جلد کے لئے بھی یہ نسخہ بے حد مفید ہے۔
چوتھائی پیالی دودھ میں ایک چائے کا چمچہ شہد اور دس پسے ہوئے بادام ملالیں۔اب یہ لیپ چہرے پر لگائیں کم از کم آدھ گھنٹے بعد منہ دھولیں۔ورکنگ ویمن اور طالب علم لڑکیاں ہفتے میں دو مرتبہ یہ عمل کریں۔اس سے مرجھایا ہوا چہرہ تروتازہ ہو جائے گا۔اگر آپ کی جلد حساس ہے اور آ پ دھوپ میں نکلنے سے قبل سن بلاک چہرے،گردن اور بازوؤں پر استعمال کرنے سے قاصر ہیں تب بھی ہر گز پریشان نہ ہوں کہ ہم آپ کو ایک ایسی ترکیب بتا رہے ہیں جو کہ بازار میں ملنے والے سن بلاک سے کئی زیادہ فائدہ مند ہے ۔عرق گلاب اور گلیسرین ہم وزن لیں اور اس میں چند قطرے لیموں کا رس ملا کر بوتل میں بھرلیں۔دن میں گھر سے باہر نکلنے سے قبل روئی کی مدد سے یہ آمیزہ چہرے پر لگائیں ۔10منٹ بعد منہ دھو لیں، پھر میک اپ کریں۔بوتل کو استعمال کے بعد فریج میں رکھیں۔یہ عمل گرمیوں میں متواتر کے ساتھ اپنائیے۔
Browse More Skin Care
کیل مہاسے اور سفید کیلوں سے نجات حاصل کریں
Keel Muhase Aur Safed Keel Se Nijat Hasil Karen
ایکنی
Acne
ٹین ایج میں جلد کی حفاظت
Teenage Mein Jild Ki Hifazat
گرمیوں میں جلد کی صفائی کا خاص خیال رکھیں
Garmiyon Mein Jild Ki Safai Ka Khas Khayal Rakhain
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
گہرے سیاہ حلقوں کو چھپانے کے طریقے
Gehre Siyah Halkon Ko Chupane Ke Tarike
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
موٹاپا‘ ایکنی اور بالوں کی خشکی
Motapa Acne Aur Balon Ki Khushki
دورانِ حمل جلد کی حفاظت کریں
Doran E Hamal Jild Ki Hifazat Karen
حاملہ خواتین اور جلد کی سیاہی
Hamla Khawateen Aur Jild Ki Siyahi
ٹماٹر لائے دلکشی اور کرے صحت بحال بھی
Tomato Laye Dilkashi Aur Kare Sehat Bahal Bhi