Baby Massage Be Maqsad Saabit Ho Gaya - Article No. 2786

نوزائیدہ اور شیر خوار بچوں کا مساج ایشیائی اور افریقی ثقافت کا ایک اہم حصہ ہے۔یہ مانا جاتا ہے کہ بے بی مساج سے بچوں کے پیٹ کے درد میں آرام آتا ہے‘ان کے اعصاب کو سکون ملتا ہے نیند پُرسکون آتی ہے اور بچوں کی بڑھوتری اور نشوونما میں بھی مساج اہم کردار ادا کرتا ہے اور مغربی ممالک میں بھی اس حوالے سے والدین میں دلچسپی بڑھ رہی ہے۔

(جاری ہے)

محققین نے یہ دریافت کیا نرم مساج بچوں کی نیند میں بہتری پیدا کرتا ہے روتے ہوئے بچوں کو سکون دیتا ہے اور ماں اور بچے کے رشتے کو مضبوط بناتا ہے اور غیر پُرسکون بچوں کے ہارمونز کے دباؤ کے تناسب کو کم کرتا ہے۔
بہرحال ایک سائنسی تجزیے سے یہ بات سامنے آئی ہے کہ مساج سے بچوں کو آرام‘سکون اور خوشی تو ضرور ملتی ہے لیکن ایسے کوئی شواہد سامنے نہیں آئے ہیں جن سے یہ ثابت ہو کہ مساج بچے کی جسمانی یا جذباتی نشوونما میں بہتری پیدا کرتا ہے۔