Jild Ki Dilkashi Ke Liye Chocolate - Article No. 3381

چاکلیٹ کھانا کسے پسند نہیں ہوتا ہے؟ چاکلیٹ ہر عمر کے لوگوں میں مقبول و پسندیدہ ہے‘ لیکن اب چاکلیٹ کا استعمال صرف کھانے تک ہی محدود نہیں ہے‘ ہم چاکلیٹ کا استعمال اپنی جلد کو خوبصورت بنانے کے لئے اپنے پورے جسم پر کر سکتے ہیں۔پیرس میں بیوٹی ریسرچرز کی ایک ٹیم نے یہ ذائقہ دار حقیقت بتائی ہے۔چاکلیٹ اب کھانے کے علاوہ جلد کی دلکشی بڑھانے اور جسم کو سر سے پاؤں تک خوبصورت بنانے کے لئے بھی استعمال کی جا سکتی ہے۔

(جاری ہے)

کوکو بٹر میں فیٹی ایسڈز بھرپور مقدار میں موجود ہوتے ہیں۔اس کا مطلب یہ ہوا کہ کوکو بٹر فیشل یا باڈی ٹریٹ منٹ آپ کی جلد پر بہت خوشگوار اثرات مرتب کرتے ہوئے جلد کو نرم و ملائم بناتا ہے۔کوکو میں Glycerides پائے جاتے ہیں‘ جو جلد میں نمی پیدا کرتے ہیں اور اس میں شامل روغنیات جلد کو سخت بناتے ہیں تاکہ جلد میں قدرتی تناؤ اور دلکشی پیدا ہو اور عمر رسیدگی کے وہ اثرات‘ جو جھریوں کی صورت میں جلد پر ظاہر ہوتے ہیں‘ ان کی رفتار دھیمی پڑ جائے۔