Tail Dekho Tail Ki Dhaar Dekhoo - Article No. 806
تیل دیکھو تیل کی دھار دیکھو - تحریر نمبر 806
یہ کہاوت ایسے موقعوں پر استعمال کی جاتی ہے جب ہم کسی سے یہ کہنا چاہیں کہ ابھی جلدی مت کرو، پورا نتیجہ یا انجام دیکھ کر لو لیکن یہ کہاوت بنی کیسے، یہ بھی ایک دلچسپ کہانی ہے۔!
جمعرات 21 مئی 2015
ایک تھا شہزادہ اس کے چارد دوست تھے ۔ ان سب کا ایک ساتھ اٹھنا بیٹھنا تھا۔وہ کسی وقت ایک دوسرے سے جدا نہ ہوتے تھے۔ کھانے پینے ،سونے جاگنے، اٹھنے بیٹھنے، میں سب ہی ایک دوسرے کے شریک تھے۔ ان دوستوں میں ایک تو سپاہی تھا ایک مولوی، ایک اونٹ اولا اور ایک تیلی تھا۔
ایک دن اچانک بادشاہ کا انتقال ہو گیا اور اس کی جگہ شہزادہ تخت نشین ہوا۔ شہزادے نے اپنی دوستی کا حق اس طرح ادا کیا کہ اپنے چاروں دوستوں کو اپنا وزیر بنا لیا اور سب ہنسی خوشی رہنے لگے لیکن قدرت کو کچھ اور ہی منظور تھا۔
(جاری ہے)
آس پاس کے ملکوں کے بادشاہوں نے مل کر اس ملک پر حملہ کر دیا ۔
اب تو شہزادے جو اب بادشاہ حضور بن چکے تھے بہت گھبرائے اور اپنے چاروں وزیر دوستوں سے صلاح مشورہ کرنے بیٹھے۔سپاہی نے کہا”اس میں گھبرانے کی کیا بات ہے بس ڈٹ کر دشمن کا مقابلہ کیجئے فتح انشاء اللہ ہماری ہی ہوگی۔“
مولوی صاحب بولے۔” جناب! مجھے تو اس رائے سے اتفاق نہیں جنگ ہوئی تو ہزاروں لوگ مرجائیں گئے اور ان سب کا خون آپ کی گردن پر ہوگا۔ اس لئے آپ ناحق جھگڑے میں نہ پڑئیے۔ زیادہ سے زیادہ یہی ہوگا نا کہ ملک چھن جائے گا۔چھن جانے دیجئے اللہ اور دیدے گا۔“
اونٹ والے نے ان دونوں کی باتیں سنیں تو کہنے لگا ” حضور! آپ گھبراتے کیوں ہیں؟ ہر بات کی مہار اللہ میاں کے ہاتھ میں ہے ۔آپ تو یہ دیکھئے اونت کس کل(کروٹ) بیٹھتا ہے۔ “ یعنی معاملہ کا فیصلہ کیسے ہوتا ہے۔
اب تیلی کی باری آئی۔اونٹ والے دوست کی بات سن کر وہ کہنے لگا” جہاں پناہ! میرے خیال میں ہمارے اس دوست ساربان(اونٹ والا) کی بات لاکھ روپے کی ہے۔ کسی کام میں جلدی نہیں کرنی چاہیے ۔ ابھی تیل دیکھو اور تیل کی دھار دیکھو۔“
معلوم نہیں بادشاہ نے کسی کی بات مانی یا نہیں مانی اور ہمیں تمہیں اس سے غرض بھی نہیں ہونی چاہیے۔ ہمیں تو بس یہ یاد رکھنا ہے کہ سارا بان اور تیلی نے ہمارے کہاوتوں والے قیمتی اور بیش بہا خزانے میں دو اور کہاوتوں کا اضافہ کر دیا ہے یعنی!
”تیل دیکھو اور تیل کی دھار دیکھو“
” دیکھیے اونٹ کس کل بیٹھتا ہے۔“
ایسی سینکڑوں کہاوتیں ہیں اور ہر کہاوت کا رشتہ ایک دل چسپ کہانی سے جڑتا ہے۔ یہ کہانی تاریخ کا کوئی واقع بھی ہو سکتی ہے یا گزرئے ہوئے زمانے کی داستان یا محض خیالی بات یا اس لئے کہ کبھی کبھی کہاوتیں اس طرح بنتی ہیں کہ کسی کو کانوں کان خبر بھی نہیں ہوتی اور لاکھ کھوجئے پر بھی آدمی اس بات کا پتہ نہیں لگا پاتا کہ اس کہاوت کے بننے کے پیچھے کیا کہانی پوشیدہ ہے۔
Browse More Moral Stories
جذبہ (دوسرا حصہ)
Jazba - Dosra Hissa
ایمانداری کا انعام
Imaandari Ka Anjam
مغرور بھنڈی
Maghroor Bhindi
احساس ہوگیا
Ehssas Hu Gya
حال میں ماضی
Haal Mein Maazi
دوستی
Dosti
Urdu Jokes
چپ رہو
chup raho
بیوی
Biwi
استاد شاگرد سے
ustaad shagird se
پرائز لسٹ
Prize List
شوکت تھانوی
shaukat thanvi
مریض ڈاکٹر سے
Mareez Doctor se
Urdu Paheliyan
کہہ دیں اس کو آتا جاتا
keh dena usko aata jata
سینہ چھلنی رنگت گوری
seena chalni rangat gori
سونے کا بن کر آتا ہے
sony ka ban kar ata hai
مخمل کے پردے خوشبو کا گھر
makhmal ke parde khushboo ka ghar
کبھی ہیں لال کبھی ہیں کالے
kabhi hen laal kabhi hen kaaly
سب کو دیکھے اور پہچانے
sabko dekhe aur pehchane