آئندہ انتخابات میں خواتین کا اہم سیاسی کردار ہو گا، پی ٹی آئی کی خواتین کو الیکشن کی تیاری ابھی سے تیاری شروع کر دینی چاہئے،چئیرمین تحریک انصاف عمران خان کی شعبہ خواتین ملتان کی رہنمائوں سے ملاقات،گفتگو

اتوار 15 جنوری 2017 18:50

ملتان (اُردو پوائنٹ اخبارتازہ ترین - آئی این پی۔ 15 جنوری2017ء) تحریک انصاف کے چیئرمین عمران خان نے کہا ہے کہ آئندہ انتخابات میں خواتین کا اہم سیاسی کردار ہو گا اورالیکشن 2018 میں پا کستان تحریک انصاف کامیاب ہو گی۔ خواتین ہمارے ملک کی 52% آبادی ہیں آئندہ آنے والے انتخابات میں ان کا سیاسی کردار بہت اہمیت کا حامل ہے اس لئے پی ٹی آئی خواتین کو ابھی سے تیاری شروع کر دینی چاہئے۔

(جاری ہے)

یہ باتیں انہوں نے پی ٹی آئی شعبہ خواتین جنوبی پنجاب کی سینئررہنما ڈاکٹر روبینہ اختر سے جہانگیر ترین کی رہائشگاہ پر ایک ملاقات میں کیں۔ ڈاکٹر روبینہ نے انہیں جنوبی پنجاب کی خواتین کے کام کے بارے میں آگاہ کیا۔ انہوں نے ڈاکٹر روبینہ اختر کی پی ٹی آئی میں خدمات کو سراہااور آئندہ انتخابات کے جنرل الیکشن میں بھرپور تیاری کے لئے کہا ۔اس موقع پر جہانگیر ترین بھی موجود تھے۔ انہوں نے بھی ڈاکٹر روبینہ اور ان کے ساتھ موجود خواتین کے کام کی تعریف کی اور خواتین کی الیکشن آگاہی مہم کے سلسلے میں بات کی، ڈاکٹر روبینہ کے ساتھ رابعہ، زرقا، صادیہ ودیگر موجود تھیں۔